బాల్ ట్యాంపరింగ్ కారణంగా ఏడాది నిషేధం తర్వాత యాషెస్ సిరీస్లో రీఎంట్రీ ఇచ్చిన వార్నర్.. ఆ మ్యాచ్ల్లో దారుణంగా విఫలమయ్యాడు. అయితే ఆ తర్వాత పాకిస్థాన్తో జరుగుతోన్న మ్యాచ్ల్లో మళ్లీ పుంజుకున్నాడు. పాక్తో జట్టుతో జరుగుతున్న రెండో టెస్టులో త్రిశతకం చేశాడు. కెరీర్లో అత్యధిక వ్యక్తిగత స్కోరు(335*) నమోదు చేశాడు.
ట్రిపుల్ సెంచరీ చేసిన వార్నర్ దూకుడైన బ్యాటింగ్తో అలవోకగా 300 పరుగుల మార్కు దాటిన వార్నర్.. కచ్చితంగా 400 పరుగులు చేసి విండీస్ దిగ్గజ ఆటగాడు బ్రియన్ లారా రికార్డు బ్రేక్ చేస్తాడని అంతా భావించారు. కానీ ఆ అంచనాలకు చెక్ పెడుతూ అనూహ్యంగా 589 పరుగుల వద్ద ఇన్నింగ్స్ డిక్లేర్ ఇచ్చాడు ఆసీస్ సారథి టిమ్ పైన్.
ఈ నిర్ణయంతో ఆశ్చర్యపడిన క్రికెట్ అభిమానులు అతడిపై ఆగ్రహం వ్యక్తం చేస్తున్నారు. కెరీర్లో ఓ అద్భుతమైన మైలురాయిని అందుకునే దిశగా వెళ్తుంటే.. పైన్ దాన్ని చెడగొట్టాడని నెటిజన్లు మీమ్స్తో ట్రోల్ చేస్తున్నారు.
ఆట రెండో రోజే అయినా.. అంత తొందరగా ఎందుకు డిక్లేర్ తీసుకోవడం అని పైన్పై అభిమానులు మండిపడుతున్నారు. పాకిస్థాన్ బౌలర్లు ఏమి చేయలేకపోతున్నారని.. అందువల్ల ఆసీస్ సారథి సహాయం చేశాడని వ్యంగ్యంగా ట్వీట్లు చేస్తున్నారు.
రికార్డులివే...
- వార్నర్‌కు టెస్టుల్లో ఇదే తొలి ట్రిపుల్ సెంచరీ. ఆస్ట్రేలియా తరఫున ఈ ఘనత సాధించిన ఏడో బ్యాట్స్‌మన్‌గా వార్నర్ నిలిచాడు.
- పాకిస్థాన్‌పై ట్రిపుల్ సెంచరీ సాధించిన రెండో ఆసీస్ ఆటగాడిగా గుర్తింపు సాధించిన వార్నర్.
- ఓవరాల్‌గా టెస్టు ఫార్మాట్‌లో ట్రిపుల్ సెంచరీ సాధించిన 16వ ఆటగాడు వార్నర్. డే/నైట్‌ టెస్టులో అత్యధిక వ్యక్తిగత పరుగులు సాధించిన ఆటగాడిగా రికార్డును తన పేరిటే లిఖించుకున్నాడు. గతంలో పాకిస్థాన్ కెప్టెన్అజహర్‌ అలీ(302 నాటౌట్‌) పేరిట ఈ రికార్డు ఉండగా దాన్ని వార్నర్ బ్రేక్ చేశాడు.
-
టెస్టుల్లో అత్యధిక వ్యక్తిగత పరుగుల రికార్డునూ వార్నర్ ఖాతాలో వేసుకున్నాడు.
ఐపీఎల్తోనే మళ్లీ...
బాల్ ట్యాంపరింగ్ వివాదంతో ఏడాది ఆటకు దూరమైన వార్నర్.. ఐపీఎల్తోనే మళ్లీ మైదానంలో అడుగుపెట్టాడు. ఈ టోర్నీలో దాదాపు 600లకు పైగా పరుగులు చేసి అత్యధిక స్కోరు చేసిన ఆటగాళ్లలో ఒకడిగా నిలిచాడు.
సన్రైజర్స్ హైదరాబాద్సెమీస్ వెళ్లడంలో కీలకపాత్ర పోషించాడు.
