ఇంగ్లాండ్తో జరిగిన మూడో టీ20లో ఇంగ్లాండ్ ఘన విజయం సాధించింది. అయితే ఈ మ్యాచ్లో టీమ్ఇండియా ఓటమికి కారణం బ్యాటింగ్ ఆర్డర్లో మార్పులేనని తెలిపాడు ఇంగ్లాండ్ మాజీ కెప్టెన్ మైఖేల్ వాన్. గత మ్యాచ్లో సత్తాచాటిన వారి స్థానాలను మార్చడం భారత జట్టు ఓటమికి కారణమైందని వెల్లడించాడు.
ఆ మార్పుల వల్లే టీమ్ఇండియా ఓటమి: వాన్
ఇంగ్లాండ్తో జరిగిన మూడో టీ20లో టీమ్ఇండియా ఓటమికి కారణం బ్యాటింగ్ ఆర్డర్లో మార్పులేనని అభిప్రాయపడ్డాడు ఇంగ్లాండ్ మాజీ క్రికెటర్ మైఖేల్ వాన్. రెండో టీ20లో రాణించిన ఇద్దరు ఆటగాళ్లు మూడో మ్యాచ్లో వేరే స్థానంలో రావడం సరైంది కాదని వెల్లడించాడు.
వాన్
"టెస్టు సిరీస్లో ఇంగ్లాండ్ జట్టును తలపించింది భారత టీమ్. ఇంగ్లాండ్ కూడా టెస్టు సిరీస్లో అనవసరమైన మార్పులతో ఓటమిపాలైంది. అలాగే టీ20 సిరీస్లో భారత జట్టు కూడా అలాగే ఉంది. గత మ్యాచ్లో సత్తాచాటిన ఇద్దరి బ్యాటింగ్ స్థానాలను ఎందుకు మార్చారో అర్థం కావడం లేదు. రెండో టీ20లో ఓపెనర్గా వచ్చి రాణించిన ఇషాన్ కిషన్ను మూడో స్థానంలో పంపారు. అలాగే మూడో స్థానంలో వచ్చి అర్ధశతకం చేసిన కోహ్లీ నాలుగో స్థానంలో వచ్చాడు. గత మ్యాచ్లో ఫలితాన్ని దృష్టిలో ఉంచుకోవాలి కదా. రాహుల్ని మిడిలార్డర్లో ఆడిస్తే సరిపోయేది."
తొలి రెండు టీ20లకు విశ్రాంతినిచ్చిన ఓపెనర్ రోహిత్ శర్మ మూడో మ్యాచ్లో బరిలో దిగాడు. దీంతో రాహుల్, రోహిత్లను ఓపెనర్లుగా పంపిన యాజమాన్యం ఇషాన్ను మూడో స్థానంలో, కోహ్లీని నాలుగో స్థానంలో దింపింది. దీంతో ఫలితం టీమ్ఇండియాకు వ్యతిరేకంగా వచ్చింది.