దిగ్గజ క్రికెటర్ సచిన్ తెందుల్కర్ మరోసారి తన దాతృత్వాన్ని చాటుకున్నాడు. కరోనాపై పోరులో భాగంగా 4000 మంది పేదప్రజలకు ఆర్థికంగా అండగా నిలిచాడు. ముంబయిలోని హై5 అనే స్వచ్ఛంద సంస్థ ద్వారా ఈ సాయం చేశాడు. అయితే ఎంత మొత్తం ఇచ్చాడనేది మాత్రం ఆ ఫౌండేషన్ ప్రకటించలేదు.
4000 మందికి సాయం చేసినందుకు సచిన్కు కృతజ్ఞతలు చెబుతూ హై5 ఫౌండేషన్ ట్వీట్ చేసింది. దీనికి స్పందించిన సచిన్.. "రోజువారీ కూలీల కుటుంబపోషణకు అండగా నిలుస్తున్న హై5 సంస్థ సభ్యులకు నా ధన్యావాదాలు" అంటూ రాసుకొచ్చాడు.