ఆస్ట్రేలియాతో టెస్ట్ సిరీస్లో చారిత్రక విజయం సాధించిన భారత క్రికెట్ జట్టును మరోమారు అభినందించారు ప్రధానమంత్రి నరేంద్ర మోదీ. జట్టు పోరాటతత్వం ఎంతో అభినందనీయమని కొనియాడారు. 'మన్ కీ బాత్' కార్యక్రమం సందర్భంగా ఈ వ్యాఖ్యాలు చేశారు మోదీ.
"క్రికెట్ ప్రపంచం నుంచి ఈ నెలలో శుభవార్త అందింది. ఆరంభంలో ఎదురుదెబ్బలు తిన్నా.. అద్వితీయంగా పుంజుకొని ఆస్ట్రేలియాలో టెస్ట్ సిరీస్ గెలిచాం. మన జట్టు కఠోర శ్రమ, సమష్టి కృషి ఎంతో స్ఫూర్తిదాయకం." అని ప్రధాని అన్నారు.