ఆస్ట్రేలియా, ఇంగ్లాండ్ మధ్య జరిగిన యాషెస్ డ్రాగా ముగిసింది. ఈ సిరీస్లో అద్భుత ఫామ్తో సత్తాచాటాడు ఆసీస్ ఆటగాడు స్టీవ్ స్మిత్. 21 శతాబ్దంలో ఒక సిరీస్లో ఎక్కువ పరుగులు సాధించిన ఆటగాడిగా రికార్డు సృష్టించాడు. అలాగే నాలుగు టెస్టుల్లో 774 పరుగులు సాధించి భారత మాజీ క్రికెటర్ సునీల్ గావస్కర్ సరసన నిలిచాడు.
యాషెస్లో భాగంగా జరిగిన ఐదు టెస్టు మ్యాచ్ల సిరీస్లో స్మిత్ నాలుగు మ్యాచ్లు మాత్రమే ఆడాడు. ఆర్చర్ వేసిన బంతి తలకు తగలగా.. మూడో టెస్టుకు దూరమయ్యాడు. మొత్తంగా నాలుగు టెస్టుల్లో 774 పరుగులు సాధించి సునీల్ గావస్కర్ రికార్డును సమం చేశాడు. ఇంతకుముందు 1971లో వెస్టిండీస్తో జరిగిన ఐదు టెస్టు మ్యాచ్ల సిరీస్లో గావస్కర్ నాలుగు మ్యాచ్ల్లో 774 పరుగులు సాధించాడు. ఒక మ్యాచ్కు దూరంగా ఉన్నాడు. అది గావస్కర్కు అరంగేట్ర మ్యాచ్ కావడం విశేషం.