భారత క్రికెట్ దిగ్గజం సచిన్ తెందుల్కర్ విషయంలో రెండుసార్లు తప్పుచేశానని ఒప్పుకున్నారు ఐసీసీ మాజీ అంపైర్ స్టీవ్ బక్నర్. 2003లో జరిగిన మ్యాచ్లో జేసన్ గిలెప్సీ వేసిన బంతికి మాస్టర్ను ఎల్బీగా ప్రకటించారు బక్నర్. అయితే రీప్లేలో మాత్రం అది నాటౌట్గా తేలగా.. బక్నర్ తీరుపై అభిమానులు ఆగ్రహం వ్యక్తం చేశారు. ఆ తర్వాత 2005లో ఈడెన్గార్డెన్స్లో జరిగిన మరో మ్యాచ్లో అబ్దుల్ రజాక్ వేసిన బంతి బ్యాట్ ఎడ్జ్ తాకుతూ కీపర్ చేతుల్లో పడింది. దాన్ని ఔట్గా ప్రకటించగా.. సచిన్ మళ్లీ పెవిలియన్ చేరాడు. రిప్లేలో అదీ నాటౌట్గా తేలింది. ఇలా రెండుసార్లు తప్పుగా ఔట్ ఇవ్వడంపై స్పందించారు బక్నర్.
సచిన్ విషయంలో ఆ రెండు తప్పులు చేశా: బక్నర్
అంతర్జాతీయ క్రికెట్లో వివాదాస్పద అంపైర్గా పేరుతెచ్చుకున్న స్టీవ్ బక్నర్.. గతంలో ఇచ్చిన తప్పుడు నిర్ణయాలపై పశ్చాత్తాపం వ్యక్తం చేశారు. సచిన్ను రెండుసార్లు ఎల్బీ, క్యాచ్ ఔట్గా ప్రకటించినట్లు ఒప్పుకున్నారు.
సచిన్ ఔట్ విషయంలో ఆ రోజు తప్పుచేశా: అంపైర్
" తెందుల్కర్ నాటౌట్ అయినా రెండు సార్లు ఔటిచ్చాను. ఏ అంపైర్ కావాలని అలా చేయరు. ఏ ఆటగాడి కెరీర్ పాడుచేయాలని ఎవరూ అనుకోరు. మనుషులుగా ఒక్కోసారి తప్పులు చేస్తాం. ఒకసారి ఎల్బీ, మరోసారి క్యాచ్ రూపంలో నేను తప్పిదాలు చేశాను. అయితే ఈడెన్లో మ్యాచ్ జరుగుతున్నప్పుడు వేల మంది అభిమానులతో సందడి ఉంటుంది. ఆ సమయంలో చిన్నపాటి ధ్వని గుర్తించడం కొంచెం కష్టం. అలాగే తప్పు జరిగింది. అయితే వాటి విషయంలో నేను చింతిస్తున్నాను. జీవితం అంటే తప్పులను ఒప్పుకోవడమే" అని చెప్పారు బక్నర్
అంతర్జాతీయ క్రికెట్లో ఎంతో పేరు సంపాదించిన బక్నర్.. మైదానంలో టెక్నాలజీ వాడకం ముఖ్యమని స్పష్టం చేశారు. డీఆర్ఎస్కు ఆయన మద్దతు తెలిపారు. సాంకేతికత సాయంతో అంపైరింగ్లో తప్పులు తగ్గుతాయని అభిప్రాయం వ్యక్తం చేశారు.