అంతర్జాతీయ క్రికెట్ మండలి(ఐసీసీ) టెస్టు ర్యాంకింగ్స్లో విరాట్ కోహ్లీని వెనక్కినెట్టి ఇప్పటికే అగ్రస్థానంలో కొనసాగుతున్నాడు స్టీవ్ స్మిత్. తాజాగా యాషెస్ నాలుగో టెస్టులో 211, 82 పరుగులు చేసి నెంబర్ వన్ ర్యాంకును మరింత పదిలం చేసుకున్నాడు. అతడి ఖాతాలో 937 రేటింగ్ పాయింట్లు చేరాయి. విరాట్ కోహ్లీ కంటే 34 పాయింట్ల ఆధిక్యంలో నిలిచాడు.
2017లో స్టీవ్ స్మిత్ ఆల్టైమ్ బెస్ట్ కంటే ఇవి కేవలం 10 పాయింట్లే తక్కువ. బౌలర్ల విభాగంలో ఆసీస్ పేసర్ కమిన్స్ అగ్రస్థానాన్ని నిలుపుకున్నాడు. యాషెస్లో 7/103 ప్రదర్శనతో తన కెరీర్ బెస్ట్గా ఉన్న 914 పాయింట్లను సమం చేశాడు. రెండో స్థానంలో రబాడా, మూడో స్థానంలో జస్ప్రీత్ బుమ్రా నిలిచారు.