స్టీవ్ స్మిత్ వల్లే యాషెస్లో ఆస్ట్రేలియా 2-1 తేడాతో ముందంజలో ఉందని చాలా మంది అభిప్రాయపడుతున్నారు. అయితే కంగారూ జట్టు మాజీ కెప్టెన్ రికీ పాంటింగ్ మాత్రం ఇందుకు విరుద్ధంగా స్పందించాడు. స్మిత్ ఒక్కడి వల్లే ఆసీస్ విజయం సాధించలేదని, సమష్టిగా ఆడినందునే రాణిస్తుందని... తెలిపాడు.
"ఆస్ట్రేలియా ముందంజలో ఉండటానికి స్మిత్ ఒక్కడే కారణమని గత వారం నుంచి చాలా మంది అంటున్నారు. అతడు ఒక్కడి వల్లే ఆసీస్ విజయం సాధించిందని నేను అనుకోవడం లేదు. స్మిత్తో పాటు జట్టంతా సమష్టిగా రాణించింది" -రికీ పాంటింగ్, ఆస్ట్రేలియా మాజీ కెప్టెన్