శివమ్‌ దూబే.. భారత్-బంగ్లాదేశ్ మధ్య జరిగే టీ20 సిరీస్కు ఎంపికైన ముంబయి క్రికెటర్. లెఫ్ట్‌ హ్యాండ్‌ హార్డ్‌ హిట్టర్‌, రైట్‌ ఆర్మ్‌ మీడియం పేసర్‌. టీమిండియా ఆల్రౌండర్ హార్దిక్‌ పాండ్య గాయం కారణంగా ఇతడికి అవకాశమిచ్చారు సెలక్టర్లు. ఈ ఆటగాడి గురించి సామాజిక మాధ్యమాల్లో పెద్ద చర్చే నడుస్తోంది. అందుకు కారణం బీసీసీఐ షేర్ చేసిన ఓ వీడియో.
బంగ్లాదేశ్తో తొలి టీ20 నేడు దిల్లీ వేదికగా జరగనుంది. ఇందుకోసం టీమిండియా క్రికెటర్లు నెట్స్లో తీవ్రంగా శ్రమించారు. దూబే కూడా నెట్స్లో కాసేపు బ్యాటింగ్ ప్రాక్టీస్ చేశాడు. అతడు ఆడిన షాట్లను ఓ 20 సెకన్ల వీడియోగా రూపొందించి.. దాన్ని సామాజిక మాధ్యమాల్లో పంచుకుంది బీసీసీఐ. దీనిపై నెటిజన్లు విశేషంగా స్పందిస్తున్నారు. దూబే ఆట మరో యువరాజ్లా ఉందని ప్రశంసలు కురిపిస్తున్నారు. నిజంగా ఇతడికీ యువీకి కొంచెం ఆటలో పోలికలు ఉన్నాయి.