ఐసీసీ టీ20 ర్యాంకింగ్స్: అగ్రస్థానానికి షెఫాలీ

ఐసీసీ టీ20 ర్యాంకింగ్స్​లో టీమ్ఇండియా మహిళా ఓపెనర్ షెఫాలీ వర్మ అగ్రస్థానానికి చేరుకుంది. ఆసీస్​కు చెందిన బెత్ మూనీని అధిగమించి టాప్​కు వెళ్లింది.

ఐసీసీ తాజాగా విడుదల చేసిన మహిళల టీ20 ర్యాంకింగ్స్​లో టీమ్ఇండియా ఓపెనర్ షెఫాలీ వర్మ నెంబర్​వన్ ర్యాంకును తిరిగి దక్కించుకుంది. సౌతాఫ్రికాతో జరుగుతోన్న టీ20 సిరీస్​లో సత్తాచాటిన ఈ విధ్వంసకర ఓపెనర్ మరోసారి టాప్ ర్యాంకును సాధించింది. ప్రస్తుతం షెఫాలీ ఖాతాలో 750 పాయింట్లు ఉన్నాయి. ఆస్ట్రేలియాకు చెందిన బెత్ మూనీ 748 పాయింట్లతో రెండో స్థానంలో నిలిచింది. కాగా, భారత్ నుంచి స్మృతి మంధాన, రోడ్రిగ్స్​ వరుసగా 7,9 ర్యాంకుల్లో నిలిచారు.

బౌలర్ల విభాగంలో టీమ్ఇండియా నుంచి దీప్తి శర్మ, రాధా యాదవ్ వరుసగా 7,8 ర్యాంకుల్లో నిలిచారు. ఇంగ్లాండ్ బౌలర్ సోఫీ ఎక్లిస్టోన్ 799 పాయింట్లతో అగ్రస్థానంలో కొనసాగుతోంది.

ఆల్​రౌండర్ల విభాగంలో టీమ్ఇండియాకు చెందిన దీప్తిశర్మ 4వ ర్యాంకులో నిలవగా న్యూజిలాండ్​కు చెందిన సోఫీ డివైన్ అగ్రస్థానం కాపాడుతుంది.