అనుకున్నట్లే జరిగింది.. గాయం కారణంగా వెస్టిండీస్తో వన్డే సిరీస్కు దూరమైన టీమిండియా పేసర్ భువనేశ్వర్ కుమార్ స్థానంలో శార్దుల్ ఠాకుర్ను ఎంపిక చేసింది బీసీసీఐ. ఈ విషయాన్ని అధికారికంగా శనివారం ప్రకటించింది.
" రేపటి(ఆదివారం) నుంచి చెన్నై వేదికగా వెస్టిండీస్తో ప్రారంభం కానున్న వన్డే సిరీస్కు భువనేశ్వర్ కుమార్ స్థానంలో శార్దుల్ ఠాకుర్ను ఎంపిక చేశాం" -బీసీసీఐ ట్వీట్
యాజమాన్యానికి ఫిర్యాదు..!
విండీస్తో నిర్ణయాత్మక మూడో టీ20 మ్యాచ్ తర్వాత తనకు ఇబ్బందిగా ఉందని బీసీసీఐ యాజమాన్యానికి ఫిర్యాదు చేశాడు భువీ. ఇటీవలే వెన్ను నొప్పి వల్ల మూడు నెలలు విశ్రాంతి తీసుకున్నాడు. కోలుకుని ఒక సిరీస్ ఆడాడో లేదో మళ్లీ గాయం తిరగబెట్టింది.