రోడ్డు భద్రత అవగాహనలో భాగంగా జరుగుతున్న టీ20 సిరీస్లో దక్షిణాఫ్రికా లెజెండ్స్ జట్టు శుభారంభం చేసింది. నేడు వెస్టిండీస్ లెజెండ్స్తో జరిగిన పోరులో.. 6 వికెట్ల తేడాతో నెగ్గింది సఫారీ జట్టు. ఈ ఓటమితో విండీస్ ఖాతాలో మరో పరాజయం చేరింది.
మోర్కెల్ ఆల్రౌండర్ షో.. విండీస్పై సఫారీ జట్టు గెలుపు
రోడ్ సేఫ్టీ వరల్డ్ సిరీస్లో భాగంగా నేడు జరిగిన టీ20 మ్యాచ్లో వెస్టిండీస్ లెజెండ్స్కు మరో ఓటమి ఎదురైంది. ముంబయి వేదికగా జరిగిన పోరులో దక్షిణాఫ్రికా లెజెండ్స్ చేతిలో 6 వికెట్ల తేడాతో పరాజయం చెందింది. సఫారీ జట్టులో జాంటీ రోడ్స్, అల్బీ మోర్కెల్ అర్ధశతకాలతో రాణించారు.
జాంటీ రోడ్స్, మోర్కెల్ అదుర్స్.. వెస్టిండీస్పై దక్షిణాఫ్రికా విజయం
ముంబయిలోని డీవై పాటిల్ స్టేడియంలో జరిగిన ఈ మ్యాచ్లో.. తొలుత బ్యాటింగ్ చేసిన వెస్టిండీస్ జట్టు నిర్ణీత 20 ఓవర్లలో 8 వికెట్ల నష్టానికి 143 పరుగులు చేసింది. ఆ జట్టు బ్యాట్స్మెన్ డారెన్ గంగా(31), పావెల్(31) రాణించారు. లారా(4), జాకబ్స్(0) నిరాశపర్చారు. దక్షిణాఫ్రికా బౌలింగ్లో అల్బీ మోర్కెల్ 2 వికెట్లు, పాల్ హారిస్ 3 వికెట్లు సాధించారు.
లక్ష్య ఛేదనలో గిబ్స్(1) సహా టాప్-4 బ్యాట్స్మెన్ 42 పరుగులకే ఔటయ్యారు. కష్టాల్లో చిక్కుకున్న సఫారీ జట్టును జాంటీ రోడ్స్ 53*(40 బంతుల్లో; 6 ఫోర్లు, 1 సిక్సర్), అల్బీ మోర్కెల్ 54*(30 బంతుల్లో; 6 ఫోర్లు, 2 సిక్సర్లు) అర్ధశతకాలతో ఆదుకున్నారు. వీరిద్దరూ చివరివరకు అజేయంగా ఉండి మ్యాచ్ను ముగించారు. ఫలితంగా 18.3 ఓవర్లలో 4 వికెట్లు నష్టపోయి విజయం సాధించింది దక్షిణాఫ్రికా లెజెండ్స్ జట్టు. విండీస్ బౌలర్లలో బెస్ట్ 2 వికెట్లు, బెన్, సాన్ఫోర్డ్ తలో వికెట్ ఖాతాలో వేసుకున్నారు. ఆల్రౌండర్ ప్రదర్శనతో ఆకట్టుకున్న మోర్కెల్కు 'ప్లేయర్ ఆఫ్ ద మ్యాచ్' దక్కింది.