ఐపీఎల్ 13వ సీజన్లో చరిత్ర సృష్టించింది దిల్లీ క్యాపిటల్స్. గత 12 సీజన్లుగా ఒక్కసారి ఫైనల్ చేరని దిల్లీ జట్టు.. ఈ ఏడాది ఆ కల నెరవేర్చుకుంది.ఆదివారం హైదరాబాద్తో జరిగిన పోరులో 17 పరుగులతో నెగ్గి... తొలిసారి టైటిల్ పోరుకు అర్హత సాధించింది. అయితే సన్రైజర్స్పై విజయం అనంతరం మాట్లాడిన దిల్లీ కెప్టెన్ శ్రేయస్ అయ్యర్.. ఇది తన జీవితంలోనే ఓ అద్భుతమైన అనుభూతని అభిప్రాయపడ్డాడు.
" ఇదొక అద్భుతమైన అనుభూతి. ఈ పర్యటనలో చాలా ఎత్తుపల్లాలు చూశాం. అయితే చివరికి మేమంతా ఓ కుటుంబంగానే ఉన్నాం. జట్టులోని ప్రతి ఒక్కరి ప్రయత్నాన్ని చూస్తుంటే చాలా ఆనందంగా ఉంది. ఈ పర్యటన చాలా విషయాలు నేర్పింది. కెప్టెన్గా ఉంటే చాలా బాధ్యతలు ఉంటాయి. అయితే కోచ్లు, సహాయక సిబ్బంది నుంచి చాలా మద్దతు పొందుతున్నా. అన్నింటికన్నా జట్టు చాలా ప్రత్యేకమైనది. ఇలాంటి బృందం కలిగి ఉండటం నిజంగా అదృష్టం. తర్వాతి మ్యాచ్లోనూ బలమైన ముంబయి జట్టుపై స్వేచ్ఛగా ఆడాలనుకుంటున్నాం. మేము దాదాపు ప్రతి ఓవర్లో 10 రన్రేటుతో పరుగులు చేయాలనుకున్నాం. రషీద్ మిడిల్ ఓవర్లలో పరుగులు నియంత్రిస్తాడని మాకు తెలుసు. అందుకే అతడికి వికెట్లు సమర్పించుకోకూడదని నిర్ణయించుకున్నాం. మా జట్టుకు ఓపెనింగ్ భాగస్వామ్యం లోపిస్తోంది. అందుకే రాకెట్ వేగంతో ఆరంభం కావాలని అనుకున్నాం. స్టాయినిస్ ఓపెనర్గా వెళ్లి ఎక్కువ బంతులు ఆడితే కచ్చితంగా మంచి ఆరంభం వస్తుందని తెలుసు".