టీమిండియా మాజీ కెప్టెన్‌ మహేంద్ర సింగ్ ధోనీ వారసుడిగా పేరు తెచ్చుకున్న యువ వికెట్కీపర్ రిషభ్ పంత్ పేలవమైన ఆటతీరుతో విమర్శలు ఎదుర్కొంటున్నాడు. తాజాగా అతడికి పలు సూచనలు ఇచ్చాడు వైస్‌ కెప్టెన్‌ అజింక్య రహానె. ప్రస్తుతం పంత్.. గడ్డు కాలాన్ని ఎదుర్కొంటున్నాడని, ఈ విషయాన్ని అతడు అంగీకరించి భవిష్యత్తుపై దృష్టి పెట్టాలని అన్నాడు.
"ప్రస్తుతం నీవు ఎదుర్కొంటున్న పరిస్థితిని అంగీకరించాలి. ఇది నీకు చాలా ముఖ్యం. సానుకూల దృక్పథంతో ముందుకుసాగుతూ మిగతా ఆటగాళ్ల నుంచి వీలైనన్ని విషయాలను నేర్చుకోవాలి"
-అజింక్య రహానె, వైస్‌ కెప్టెన్‌.