భారత్కు షాక్... తొలి వన్డేలో న్యూజిలాండ్ ఘన విజయం
15:19 February 05
శతకంతో రాణించిన రాస్ టేలర్
హామిల్టన్ వేదికగా భారత్తో జరిగిన తొలి వన్డేలో న్యూజిలాండ్ ఘన విజయం సాధించింది. భారత్ నిర్దేశించిన 348 పరుగుల లక్ష్యాన్ని 48 ఓవర్లలో 6 వికెట్లు కోల్పోయి ఛేదించింది. ఆ జట్టు బ్యాట్స్మన్ రాస్ టేలర్(108*) శతకంతో ఆకట్టుకోగా... హెన్రీ, టామ లేథమ్ అర్ధ సెంచరీలు సాధించారు. భారత బౌలర్లలో కుల్దీప్ 2 వికెట్లు.. షమి, శార్దూల్ తలో వికెట్ పడగొట్టారు.
టాస్ ఓడి బ్యాటింగ్కు దిగిన భారత జట్టు నిర్ణీత 50 ఓవర్లలో 4 వికెట్ల నష్టానికి 347 రన్స్ చేసింది. శ్రేయస్ అయ్యర్ (103, 107 బంతుల్లో; 11 ఫోర్లు, 1 సిక్సర్) శతకంతో ఆకట్టుకోగా.. కేఎల్‌ రాహుల్ (88*, 64 బంతుల్లో; 3 ఫోర్లు,6 సిక్సర్లు), విరాట్ కోహ్లీ (51, 63 బంతుల్లో; 6 ఫోర్లు) అర్ధశతకాలు చేశారు. ఈ మ్యాచ్‌తో వన్డేల్లో అరంగ్రేటం చేసిన ఓపెనర్లు పృథ్వీషా (20), మయాంక్‌ అగర్వాల్‌ (32) భారీ స్కోరులు సాధించకపోయినా ఫర్వాలేదనిపించారు.