టీమిండియా ఆల్రౌండర్ రవీంద్ర జడేజా, వ్యాఖ్యాత సంజయ్ మంజ్రేకర్ మధ్య ఏ సంభాషణ జరిగినా క్రికెట్‌ అభిమానులకు ఆసక్తే. ఎందుకంటే ఇంగ్లాండ్‌లో జరిగిన ప్రపంచకప్‌ సమయంలో వారిద్దరి మధ్య జరిగిన మాటల యుద్ధం ట్రెండింగ్‌గా మారింది. అయితే ట్విట్టర్లో వీరిద్దరి సంభాషణ మరోసారి వైరల్‌గా మారింది. కాకపోతే ఈ సారి ఎవరూ ఎవరిని విమర్శించుకోలేదు.
న్యూజిలాండ్‌తో జరిగిన రెండో టీ20లో 'మ్యాన్ ఆఫ్ ది మ్యాచ్' కేఎల్‌ రాహుల్‌కు కాకుండా.. కివీస్‌ బ్యాట్స్‌మన్‌ను కట్టడి చేసిన బౌలర్లకు ఇవ్వాల్సిందని సంజయ్ ట్వీట్‌ చేశాడు. అయితే దీనికి జడేజా సరదాగా బదులిచ్చాడు. ఎవరికి ఇవ్వాలని భావిస్తున్నావని జడేజా ట్విట్టర్లో అడిగాడు. దీనికి సంజయ్.. "హహ్హా.. నీకు లేదా బుమ్రాకి. కాదు బుమ్రాకే. ఎందుకంటే అతడు ఎంతో పొదుపుగా బౌలింగ్ చేశాడు. 3,10,18, 20వ కీలక ఓవర్లు బౌలింగ్ చేసి కివీస్‌ను కట్టడి చేశాడు" అంటూ సమాధానమిచ్చాడు.