తొలి టెస్టుతో ఇంగ్లాండ్​ సారథి జో రూట్​ మరో రికార్డు

ఫిబ్రవరి 5 నుంచి భారత్​తో జరుగనున్న తొలి టెస్టు.. ఇంగ్లాండ్​ కెప్టెన్​ జో రూట్​కు 100వ మ్యాచ్​. దీని ద్వారా ఈ రికార్డు అందుకున్న 15వ ఇంగ్లీష్ ఆటగాడిగా నిలవనున్నాడు రూట్.​ ​

చెన్నై వేదికగా జరుగనున్న తొలి టెస్టు ద్వారా ఇంగ్లాండ్​ కెప్టెన్​ జో రూట్​.. కొత్త రికార్డును అందుకోనున్నాడు. భారత్​తో జరిగే ఈ మ్యాచ్​ అతనికి 100వ టెస్టు. తద్వార రూట్​.. ఈ రికార్డు సాధించిన 15వ ఇంగ్లీష్​ ఆటగాడిగా నిలవనున్నాడు.

సమకాలీన క్రికెట్​ ప్రపంచంలో బిగ్​-4గా పిలుస్తున్న ఆటగాళ్లలో రూట్​ ఒకడు. విరాట్​ కోహ్లీ(87), స్టీవ్​ స్మిత్​(77), కేన్​ విలియమ్స్​(83)ల కంటే ముందు ఈ ఫీట్​ను అందుకున్న తొలి వ్యక్తిగా రికార్డు సృష్టించనున్నాడు రూట్​. మిగతా ముగ్గురి సగటు(50) కంటే తక్కువతో తొలుత 8వేల పరుగులు పూర్తి చేసిన బ్యాట్స్​మెన్​ కూడా అతడే కావడం గమనార్హం.

ఫిబ్రవరి 5 నుంచి జరుగనున్న నాలుగు మ్యాచ్​ల టెస్టు సిరీస్​లో ఈ ఇంగ్లాండ్​ కెప్టెన్​ కీలకం కానున్నాడు. శ్రీలంక పర్యటనలో స్పిన్నర్లపై ఆధిపత్యం చెలాయించిన రూట్​.. ఓ ద్విశతకం, శతకం సాయంతో మొత్తం 426 పరుగులు రాబట్టాడు.

" ఇది సాధించడం ఎంతో గొప్ప. అతడు కెరీర్లో ఎన్నో ఘనతలను అందుకున్నాడు. అయితే కొన్నిసార్లు ఒడుదొడుకులు కూడా ఉంటాయి. నిజానికి 100 టెస్టులు ఆడటం పెద్ద రికార్డేమి కాదు. కానీ అతడు ఎంత ఎదిగినా ఒదిగి ఉంటాడు. గొప్ప ఆటగాడు."

- గ్రహమ్​ థోర్​పె, ఇంగ్లాండ్ బ్యాటింగ్​​ కోచ్​

"క్రికెట్​లో విరాట్​, స్మిత్, కేన్​లు గొప్ప ఆటగాళ్లు. ఆ ముగ్గురు తెలివైన బ్యాట్స్​మెన్లు. ఆటను చూడటానికి నేర్చుకోవడానికి ఎల్లప్పుడూ ప్రాధాన్యత ఇస్తారు. నిజాయతీగా చెబుతున్న ఆ జాబితాలో నేను ఉంటానో లేదో తెలియదని" రూట్​ పేర్కొన్నాడు.

ఇదీ చదవండి:స్పిన్​లో రూట్​ చెలరేగిపోతాడు: బట్లర్