కొంతమంది క్రికెటర్లను మాత్రమే మీడియా హైప్‌ చేస్తుందని అసంతృప్తి వ్యక్తం చేశాడు సఫారీ పేసర్ రబాడ . టీమిండియా స్టార్ బౌలర్ బుమ్రా, ఇంగ్లాండ్ యువ బౌలర్ ఆర్చర్పై పరోక్షంగా విమర్శలు చేశాడు. ఇటీవల కాలంలో వీరిద్దరినీ మీడియా ఆకాశానికి ఎత్తేస్తుందని... కొంతమందిపై నిర్లక్ష్యపు ధోరణి ప్రదర్శిస్తుందని మండిపడ్డాడు రబాడ.
ఆర్చర్, బుమ్రాలు గొప్పగా బౌలింగ్ చేస్తున్నారు. వారు తమ ప్రదర్శనతో ప్రత్యేక స్థానం సంపాదించుకున్నారు. ఆర్చర్ సహజంగానే ప్రతిభగల పేసర్. బుమ్రా బంతితో అద్భుతాలు చేస్తున్నాడు. అయితే కేవలం ఆ ఇద్దరు మాత్రమే అత్యుత్తమ ఆటతీరు కనబరచడం లేదు. నేనూ గొప్పగానే బౌలింగ్ చేస్తున్నా. ఎప్పుడూ ఆ ఇద్దరే టాప్‌లో ఉండరనే విషయం మాత్రం కచ్చితంగా చెప్పగలను"
-కగిసో రబాడ, దక్షిణాఫ్రికా బౌలర్