ఇటీవల ఐసీసీ ఛైర్మన్ పదవికి పోటీ చేసిన ఇమ్రాన్ ఖవాజాతో పాటు మహింద వల్లిపురం మండలి అసోసియేట్ సభ్య డైరెక్టర్లుగా తిరిగి ఎన్నికయ్యారు. వీరితో పాటు నీల్ స్పీట్ కొత్తగా ఈ పదవిని చేపట్టనున్నాడు. ఐసీసీ ఆన్‌లైన్‌లో నిర్వహించిన ఓటింగ్‌లో సభ్యులు ఈ ముగ్గురిని ఎన్నుకున్నారు.
"ఈనెల 14న మొదలైన ఓటింగ్‌ ఈ శుక్రవారంతో ముగిసింది. ఇమ్రాన్ ఖవాజాకు అత్యధికంగా 34 ఓట్లు రాగా.. మహిందకు 19, స్పీట్‌కు 16 ఓట్లు వచ్చాయి" అని ఐసీసీ తెలిపింది. స్పీట్ గతంలో బెర్ముడా క్రికెట్‌ బోర్డుకు సీఈఓగా పని చేశారు.