ఏ జట్టులోనైనా టెయిలెండర్లు బౌలింగ్తో పాటు బ్యాటింగ్లోనూ రాణించడం అరుదు. కానీ, టీమ్ఇండియా పేసర్ జస్ప్రీత్ బుమ్రా అందుకు భిన్నంగా అర్ధశతకాన్ని నమోదు చేశాడు. ఆస్ట్రేలియా-ఎ జట్టుతో జరుగుతోన్న రెండో సన్నాహాక మ్యాచ్ తొలి రోజున హాఫ్సెంచరీతో అలరించాడు. భారత జట్టు కష్టాల్లో ఉన్న సమయంలో అతడు చేసిన 50 పరుగులు జట్టు స్కోరు బోర్డుకు కొంతమేరకు సాయపడ్డాయి.
టాస్‌ గెలిచి బ్యాటింగ్ ఎంచుకున్న రహానె టీమ్ ఆదినుంచే తడబడుతూ ఆడింది. ఓపెనర్ పృథ్వీషా (40), వన్డౌన్ బ్యాట్స్మన్ శుభ్మన్ గిల్ (43) పర్వాలేదనిపించినా.. మిగిలిన బ్యాట్స్మెన్ పరుగులను రాబట్టడంలో విఫలమయ్యారు. వృద్ధిమాన్ సాహా, మహ్మద్ షమీ డకౌట్గా వెనుదిరిగారు. అయితే ఈ మ్యాచ్లో అనూహ్యంగా పేసర్ జస్ప్రీత్ బుమ్రా అర్ధశతకంతో అలరించాడు. ఈ మ్యాచ్లో కేవలం 57 బంతులను ఆడిన బుమ్రా.. ఆరు ఫోర్లు, రెండు సిక్సర్లతో 55 పరుగులు చేశాడు. అంతర్జాతీయ క్రికెట్లో తన తొలి హాఫ్సెంచరీని నమోదు చేసుకుని నాటౌట్గా నిలిచాడు. ఈ మ్యాచ్లో 194 పరుగులకే టీమ్ఇండియా ఆలౌటైంది.
కీలక ఆటగాళ్లకు విశ్రాంతి