ఐసీసీ టీ20 ర్యాంకింగ్స్ను అంతర్జాతీయ క్రికెట్ మండలి విడుదల చేసింది. తాజా జాబితాలో టీమ్ఇండియా కెప్టెన్ విరాట్ కోహ్లీ, వైస్ కెప్టెన్ రోహిత్ శర్మ తమ స్థానాలను మెరుగుపరుచుకున్నారు. కోహ్లీ నాలుగో స్థానంలో నిలవగా.. హిట్మ్యాన్ 14వ స్థానంలో కొనసాగుతున్నాడు. ఈ విభాగంలో ఇంగ్లాండ్ బ్యాట్స్మెన్ డేవిడ్ మలన్ అగ్రస్థానంలో ఉన్నాడు.
టాప్-5లో లోకేశ్ రాహుల్ ర్యాంకు దక్కించుకున్నాడు. యువ బ్యాట్స్మెన్ శ్రేయస్ అయ్యర్ ఐదు స్థానాలు మెరుగుపరుచుకుని కెరీర్లో అత్యుత్తమ ర్యాంకు పొందాడు. అతడు ప్రస్తుతం 26వ ర్యాంకులో ఉన్నాడు. సూర్యకుమార్ యాదవ్తో పాటు రిషభ్ పంత్ కూడా వారి ర్యాంకులను మెరుగుపరుచుకున్నారు.
బౌలర్ల విభాగంలో ఇంగ్లిష్ ఆటగాడు ఆదిల్ రషీద్ నాలుగో స్థానాన్ని కైవసం చేసుకున్నాడు. క్రిస్ జోర్డాన్ 17వ ర్యాంకులో ఉన్నాడు. జోఫ్రా ఆర్చర్ 12 స్థానాలు మెరుగుపరుచుకుని 22వ ర్యాంకులో ఉన్నాడు. మార్క్ వుడ్ 12 ర్యాంకులు మెరుగుపరుచుకుని 27వ స్థానంలో కొనసాగుతున్నాడు. భారత ఆటగాడు వాషింగ్టన్ సుందర్ 14వ ర్యాంకుతో టాప్-20లో చోటు సంపాదించాడు. ఈ జాబితాలో అగ్రస్థానంలో సౌతాఫ్రికా క్రికెటర్ తబ్రైజ్ షమి తొలిసారి అగ్రస్థానాన్ని దక్కించుకున్నాడు.