ఆగస్టు 14 నుంచి ప్రపంచకప్-2023​ క్వాలిఫయర్స్​

ఇటీవల ఇంగ్లాండ్​ వేదికగా జరిగిన ప్రపంచకప్​ సంబరాల తర్వాత అప్పుడే  2023 ప్రపంచకప్​ కోసం ప్రణాళికలు రచిస్తోంది ఐసీసీ. ఆగస్టు​ 14 నుంచి ఈ మెగా సమరానికి క్వాలిఫయర్స్​ పోటీలు ప్రారంభం కానున్నాయి.

ఐసీసీ పురుషుల ప్రపంచకప్​ లీగ్​-2 క్వాలిఫయర్​ మ్యాచ్​లు ఈ నెల 14 నుంచి ప్రారంభంకానున్నాయి. ఇందులో నమీబియా, నేపాల్​, ఒమన్​, పపువా న్యూగినియా, స్కాట్లాండ్​, యూఏఈ, అమెరికా వంటి ఏడు జట్లు పాల్గొంటాయి. 21 ట్రై సిరీస్​లలో భాగంగా 126 వన్డే మ్యాచ్​లు జరగనున్నాయి.
రెండున్నరేళ్ల కాలంలో ప్రతి జట్టు 36 వన్డేలు ఆడుతుంది. ఆగస్టు 14 నుంచి జనవరి 2022 వరకు ఈ మ్యాచ్​లు జరగనున్నాయి.

• లీగ్​-2 ఆరంభ మ్యాచ్​లు స్కాట్లాండ్​, పపువా న్యూగినియా, ఒమన్​ జట్ల మధ్య ఆగస్టు​ 14 నుంచి 21 వరకు జరగనున్నాయి. ఈ సిరీస్​లో ప్రతి జట్టు నాలుగు వన్డేలు ఆడుతుంది. ప్రతి మ్యాచ్​కు రెండు పాయింట్లు కేటాయించారు. ఈ పాయింట్ల ఆధారంగా సీడబ్ల్యూసీ లీగ్-2 పట్టిక ఉంటుంది.
• 21 త్రైపాక్షిక సిరీస్​ల తర్వాత మొదటి మూడు స్థానాల్లో నిలిచిన జట్లను ప్రపంచకప్​ క్వాలిఫయర్-2022 జట్లుగా ప్రకటిస్తారు. పట్టికలో చివరన ఉన్న జట్లకు క్వాలిఫయర్​ ప్లేఆఫ్​-2022లో స్థానం ఉండదు. 2022 క్రికెట్​ వరల్డ్​ కప్​ క్వాలిఫయర్​లో తొలి రెండు స్థానాల్లో నిలిచిన జట్లు 2023 ప్రపంచకప్​లో ఆడేందుకు అర్హత సాధిస్తాయి.

ఐసీసీ పురుషుల క్రికెట్​ వరల్డ్​ కప్​ లీగ్​-2 సిరీస్​

1. ఆగస్ట్​ 14: ఒమన్​ వర్సెస్​ పపువా న్యూగినియా- మ్యాన్​ఫోల్డ్​ పార్క్​, అబెర్​డీన్​
2. ఆగస్ట్​ 15: స్కాట్లాండ్​ వర్సెస్​ ఒమన్​- మ్యాన్​ఫోల్డ్​ పార్క్​, అబెర్​డీన్​
3. ఆగస్ట్​ 17:స్కాట్లాండ్​ వర్సెస్​ పపువా న్యూగినియా - మ్యాన్​ఫోల్డ్​ పార్క్​, అబెర్​డీన్​
4. ఆగస్ట్​ 18:స్కాట్లాండ్​ వర్సెస్​ ఒమన్​- మ్యాన్​ఫోల్డ్​ పార్క్​, అబెర్​డీన్​
5. ఆగస్ట్​ 20: స్కాట్లాండ్​ వర్సెస్​ పపువా న్యూగినియా - మ్యాన్​ఫోల్డ్​ పార్క్​, అబెర్​డీన్​
6. ఆగస్ట్​ 21: ఒమన్​ వర్సెస్​ పపువా న్యూగినియా- మ్యాన్​ఫోల్డ్​ పార్క్​, అబెర్​డీన్​

2023 ప్రపంచకప్ క్వాలిఫైయింగ్ పోటీలు 2022లో జరగనున్నాయి. ఐసీసీ క్రికెట్ వరల్డ్​కప్​ లీగ్​-2, వరల్డ్​కప్​ ఛాలెంజ్ లీగ్ టోర్నీల్లో సత్తాచాటిన జట్లు 2022లో జరిగే ప్రపంచకప్ క్వాలిఫైయింగ్ పోటీలకు అర్హతసాధిస్తాయి.

2023 ప్రపంచకప్​ క్వాలిఫైయింగ్​ పోటీల వివరాల పట్టిక

ఐసీసీ క్రికెట్ వరల్డ్​కప్​ లీగ్​-2..

ఇందులో ఏడు జట్లు పాల్గొననున్నాయి. నేపాల్, స్కాట్లాండ్, యూఏఈ జట్లతో పాటు 2019 వరల్డ్​క్రికెట్ లీగ్ డివిజన్-2లో టాప్-4లో నిలిచిన ఒమన్, నమీబియా, యూఎస్​ఏ, పపువా న్యూ గినియా దేశాలు ఇందులో పోటీపడతాయి. ఈ టోర్నీలో టాప్​-3లో నిలిచిన జట్లు 2023 వరల్డ్​కప్​ క్వాలిఫైయింగ్ పోటీలకు ఎంపికవుతాయి. మిగిలిన జట్లు ప్లే ఆఫ్​కు అర్హత సాధిస్తాయి.

ఛాలెంజ్ లీగ్​...

వరల్డ్​ క్రికెట్ లీగ్​లో 21 నుంచి 32 ర్యాంకింగ్స్​ మధ్య ఉన్న జట్లకు ఈ పోటీలు నిర్వహిస్తారు. టాప్-2లో నిలిచిన దేశాలు ప్లే ఆఫ్​కు అర్హత సాధిస్తాయి.

ప్లే ఆఫ్​...

ఛాలెంజ్​ లీగ్​లో టాప్​ -2లో ఉన్న రెండు జట్లతో పాటు ఐసీసీ లీగ్​-2లో అట్టడుగున ఉన్న నాలుగు జట్లు ప్లే ఆఫ్​లో తలపడతాయి. ఈ ఆరింటిలో టాప్-2లో నిలిచిన జట్లు 2022లో జరిగే ప్రపంచకప్​ క్వాలిపైయింగ్ పోటీలకు అర్హత సాధిస్తాయి.

సూపర్ లీగ్​..

ఐసీసీ శాశ్వత సభ్య దేశాలైన 12 జట్లు ఇందులో పాల్గొంటాయి. ర్యాంకింగ్స్​లో టాప్-7లో ఉన్న దేశాలు 2023 ప్రపంచకప్​నకు యథావిధిగా అర్హత సాధిస్తాయి. మిగతా వాటికి క్వాలిఫైయింగ్ పోటీలు నిర్వహిస్తారు. ఆతిథ్య జట్టు టాప్​-7లో ఉంటే ఆ జట్టుతో కలిపి 8 దేశాలు ప్రపంచకప్-2023లో ప్రత్యక్షంగా పాల్గొంటాయి.

ప్రపంచకప్ క్వాలిఫైయింగ్ పోటీలు..

సూప్​ర్​లీగ్​లో అట్టడుగున ఉన్న ఐదు జట్లు, లీగ్​-2లో టాప్-3లో నిలిచిన జట్లు, ప్లే ఆఫ్​లోని టాప్-2 జట్లకు మధ్య ప్రపంచకప్ క్వాలిఫైయింగ్ పోటీలు జరుగుతాయి.

2023 ప్రపంచకప్​లో మొత్త పది దేశాలు పాల్గొననున్నాయి. ఈ మెగాటోర్నీకి భారత్ ఆతిథ్యమివ్వనుంది.

ఇది చదవండి: ఓడినా మీరు దేశానికి గర్వకారణం: రిజుజు