త్వరలో ప్రారంభమయ్యే లంక ప్రీమియర్ లీగ్ (ఎల్పీఎల్)లో భారత మాజీ క్రికెటర్ ఇర్ఫాన్ పఠాన్ పాల్గొంటాడనే ప్రచారం జరుగుతుంది. ఈ విషయమై స్పందిస్తూ.. తాను ప్రస్తుతం ఏ లీగ్కు అందుబాటులో లేనని స్పష్టం చేశాడు.
ఓ నివేదిక ప్రకారం ఎల్పీఎల్లో ఆడేందుకు ఆసక్తి చూపిన 70 మంది విదేశీ ఆటగాళ్లలో పఠాన్ కూడా ఒకడు. ఐదు ఫ్రాంచైజీల్లో ఒకరైన అతడిని ఎన్నుకోకపోతే పేరును డ్రాఫ్ట్లో ఉంచుతారు.
"భవిష్యత్లో ప్రపంచవ్యాప్తంగా టీ20 లీగ్ల్లో ఆడాలని కోరుకుంటున్నాను. కానీ, ప్రస్తుతం ఎందులోనూ పాల్గొనాలని లేదు" అని పఠాన్ ట్వీట్ చేశాడు. ఇండియన్ ప్రీమియర్ లీగ్లో చెన్నై సూపర్కింగ్స్, దిల్లీ డేర్డెవిల్స్, కింగ్స్ ఎలెవన్ పంజాబ్, రైజింగ్ పుణె సూపర్జైంట్స్, సన్రైజర్స్ హైదరాబాద్లకు ప్రాతినిధ్యం వహించాడు.