బంతి వేయకముందే క్రీజు దాటిన బ్యాట్స్మన్ను ఔట్ చేసే వివాదాస్పద సమస్యపై.. తన ఐపీఎల్ కోచ్ రికీ పాంటింగ్తో సంభాషించినట్లు టీమ్ఇండియా స్పిన్నర్ రవిచంద్రన్ అశ్విన్ తెలిపాడు. టెలిఫోన్ కాన్ఫరెన్స్ ద్వారా చర్చించిన ఈ వివరాలను వచ్చే వారం వెల్లడిస్తానని పేర్కొన్నాడు. యూఏఈలో లీగ్ నిర్వహణకు ముందు మన్కడింగ్ పద్దతిపై పాంటింగ్ స్పందిస్తూ.. అశ్విన్తో ఈ వివాదాస్పద పద్దతిపై చర్చిస్తామని చెప్పాడు. దీంతో ఈ విషయం చర్చనీయాశంగా మారింది.
గతేడాది ఐపీఎల్‌లో రాజస్థాన్‌ రాయల్స్‌ బ్యాట్స్‌మన్‌ జాస్‌ బట్లర్‌ను కింగ్స్‌ ఎలెవన్‌ పంజాబ్‌ సారథిగా ఉన్న అశ్విన్ మన్కడింగ్ చేశాడు. మైదానంలోనే బట్లర్‌ దీనిపై అసహనం వ్యక్తం చేశాడు. చాలామంది క్రీడాస్ఫూర్తికి విరుద్ధంగా పేర్కొన్నారు.