సన్​రైజర్స్​ సహాయ కోచ్​గా బ్రాడ్ హడిన్

ఆసీస్ మాజీ వైస్ కెప్టెన్ బ్రాడ్​ హడిన్ ఐపీఎల్​లో సన్​రైజర్స్​ హైదరాబాద్​ సహాయ కోచ్​గా నియమితులయ్యాడు. కోచ్​గా గత నెలలో టామ్​ మూడీ స్థానంలో ట్రెవర్ బేలిస్​ను తీసుకుంది యాజమాన్యం.

ఆస్ట్రేలియా మాజీ ఆటగాడు బ్రాడ్ హడిన్ ఐపీఎల్​లో సన్​రైజర్స్ హైదరాబాద్​కు అసిస్టెంట్​ కోచ్​గా​ నియమితులయ్యాడు. ఈ విషయాన్ని సన్​రైజర్స్​ జట్టు యాజమాన్యం ట్విట్టర్లో పోస్ట్ చేసింది.

"ఆసీస్ మాజీ వైస్ కెప్టెన్ బ్రాడ్​ హడిన్​ను సన్​రైజర్స్ అసిస్టెంట్ కోచ్​గా నియమించాం. 2015 ప్రపంచకప్ విజేతైన ఆసీస్ జట్టులో హడిన్ సభ్యుడు" -సన్​రైజర్స్ హైదరాబాద్​ ట్వీట్

ఇంతకుముందు కోచ్​గా టామ్ మూడీ స్థానంలో ఇంగ్లాండ్ మాజీ కోచ్ ట్రెవర్ బేలిస్​ను గత నెలలో నియమించింది సన్​రైజర్స్​ జట్టు.

ట్రెవర్, బ్రాడ్​ హడిన్​కు ఐపీఎల్ అనుభవం ఉంది. ఇద్దరూ వేరువేరుగా కోల్​కతా నైట్​ రైడర్స్​ జట్టులో పనిచేశారు. ఇప్పటికే సన్​రైజర్స్ జట్టులో మెంటర్లుగా వీవీఎస్ లక్ష్మణ్, ముత్తయ్య మురళీ ధరన్ సేవలందిస్తున్నారు.

ఐపీఎల్​లో గత నాలుగు సీజన్లలోనూ ప్లే ఆఫ్స్​కు అర్హత సాధించింది సన్​రైజర్స్​. 2016లో టైటిల్ నెగ్గగా.. 2018లో రన్నరప్​గా నిలిచింది.

ఇవీ చూడండి.. విలియమ్సన్​, ధనంజయల బౌలింగ్​ యాక్షన్​పై ఫిర్యాదు