ఆగస్టు 3 నుంచి టీమిండియా.. వెస్టిండీస్లో పర్యటించనున్న విషయం తెలిసిందే. ఇప్పటికే టీ 20 జట్టు ప్రకటించిన విండీస్ తాజాగా వన్డే జట్టును ఎంపిక చేసింది. ఈ టీమ్లో క్రిస్ గేల్కు అవకాశం కల్పించింది కరీబియన్ బోర్డు. 14 మంది సభ్యులలో ఈ విధ్వంసకర ఓపెనర్ను తీసుకుంది.
భారత్తో జరగనున్న ఈ వన్డే సిరీస్తో రిటైర్ కానున్నట్టు గేల్ ఇంతకుముందే ప్రకటించాడు. వన్డేల్లో 10వేల 393 పరుగులు చేసిన క్రిస్ గేల్ మరో 13 పరుగులు చేస్తే లారా (10వేల 405) రికార్డును అధిగమిస్తాడు. ఇప్పటివరకు వన్డేల్లో అత్యధిక పరుగులు చేసిన విండీస్ ఆటగాడిగా లారా ఘనతకెక్కాడు.
"క్రిస్ గేల్ విలువైన, అనుభవం గల ఆటగాడు. క్రికెట్ వ్యూహాలకు సంబంధించి డ్రెస్సింగ్ రూమ్లో జట్టుకు అతడి అవసరముంది" - ఫ్లయడ్ రీఫర్, విండీస్ కోచ్.