'నచ్చినప్పుడు రిటైర్మెంట్​ ఇచ్చే హక్కు ధోనీ సొంతం'

టీమ్‌ఇండియా మాజీ సారథి మహేంద్రసింగ్‌ ధోనీ రిటైర్మెంట్‌పై సామాజిక మాధ్యమాల్లో వార్తలు రావడంపై స్పందించారు భారత మాజీ కోచ్​ గ్యారీ కిర్​స్టెన్​. తనకు నచ్చినప్పుడు ఆటకు వీడ్కోలు పలికే హక్కును.. మహీ సంపాదించుకున్నాడని ఆయన అభిప్రాయపడ్డారు.

తనకు నచ్చినపుడు క్రికెట్‌కు వీడ్కోలు పలికే హక్కు ధోనీ సంపాదించుకున్నాడని అన్నారు టీమ్‌ఇండియా మాజీ కోచ్‌ గ్యారీ కిర్‌స్టెన్‌.

గ్యారీ కిర్​స్టెన్​, ధోనీ

"ధోనీ అద్భుతమైన క్రికెటర్‌. తెలివితేటలు, ప్రశాంతత, బలం, వేగం, అథ్లెటిజం కారణంగా అతడు ఇతరులకు భిన్నంగా కనిపిస్తాడు. మహీ మ్యాచ్‌ విన్నర్‌. ఈ లక్షణాల వల్లే అతడు ఈ తరం గొప్ప క్రికెటర్లలో ఒకడయ్యాడు. తనకు ఇష్టమున్నపుడు ఆటకు వీడ్కోలు పలికే హక్కును అతను సంపాదించుకున్నాడు. రిటైర్మెంట్‌ ఎప్పుడు ప్రకటిస్తావని అతణ్ని బలవంతం పెట్టకూడదు"

-- గ్యారీ కిర్‌స్టెన్‌, టీమ్‌ఇండియా మాజీ కోచ్‌.

2011 వన్డే ప్రపంచకప్‌ విజయం గురించి మాట్లాడుతూ.. "ఆటగాళ్లతో కలిసి చేసిన ఆ విజయ ప్రయాణం ఎంతో గొప్పది. ఆ ప్రపంచకప్‌ నాకెన్నో జ్ఞాపకాలను అందించింది. విజేతగా నిలవాలనే అంచనాలను జట్టు నిలబెట్టుకుంది. ఓ వ్యక్తిగా ఉత్తమ విలువలు కలిగిన సచిన్‌తో పనిచేయడం చాలా సులభం" అని కిర్‌స్టెన్‌ అన్నారు.

ఇదీ చూడండి: జూన్ 10 తర్వాతే టీ20 ప్రపంచకప్​పై నిర్ణయం:ఐసీసీ