గతేడాది జరిగిన వన్డే ప్రపంచకప్లో ఇంగ్లాండ్తో మ్యాచ్లో టీమ్ఇండియా ఓడిపోయింది. అయితే ఇందులో భారత్ కావాలనే ఓటమి పాలైందని, ఇటీవల కొన్ని వార్తలు వస్తున్నాయి. మాజీ కెప్టెన్ ధోనీ కూడా ఆ రోజు స్థాయికి తగ్గ ప్రదర్శన చేయలేదని ఇంగ్లీష్ క్రికెటర్ బెన్ స్టోక్స్ తన పుస్తకంలో ప్రస్తావించాడు. తాజాగా ఇదే విషయమై మాట్లాడిన వెస్టిండీస్ మాజీ ఆటగాడు మైకేల్ హోల్డింగ్.. మహీ ముఖంలో గెలవాలన్న తపన తనకు కనిపించిందని చెప్పుకొచ్చాడు.
"ఆ మ్యాచ్లో భారత్ గెలిచే పరిస్థితి లేదు. కానీ టీమ్ఇండియా కావాలనే ఓడిపోయిందని అనడం మాత్రం తప్పు. నేను ఆ మ్యాచ్ను చూశా. భారత్ తన స్థాయికి తగ్గ ప్రదర్శన చేయలేదు. మహీ ముఖ కవళికలు చూస్తే కచ్చితంగా గెలవాలన్న భావనతోనే ఉన్నారు"