టెస్టు కెరీర్​లో 500 వికెట్లు సాధించిన బ్రాడ్​

ఇంగ్లాండ్​ ఫాస్ట్​ బౌలర్​ స్టువర్ట్​ బ్రాడ్​.. వెస్టిండీస్​తో జరుగుతోన్న మూడో టెస్టు ద్వారా ఓ ఘనత సాధించాడు. కెరీర్​లో 500వ వికెట్టు తీసిన బౌలర్​గా నిలిచాడు.

ఇంగ్లాండ్​ ఫాస్ట్​ బౌలర్​ స్టువర్ట్​ బ్రాడ్​ అరుదైన ఘనత సాధించాడు. టెస్టు క్రికెట్​లో 500 వికెట్లు తీసిన ఆటగాళ్ల జాబితాలో చేరాడు. ఇప్పటివరకు ఈ ఘనతను ముగ్గురు క్రికెటర్లు సాధించగా.. నాలుగొవ క్రికెటర్​గా బ్రాడ్​ నిలిచాడు. ప్రస్తుతం మాంచెస్టర్​ వేదికగా వెస్డిండీస్​తో జరుగుతోన్న మూడో టెస్టులో ఈ రికార్డు సృష్టించాడు. ఇప్పటికీ ఈ ఫార్మాట్​లోకి బ్రాడ్​ అరంగేట్రం చేసి 14ఏళ్లు అయింది.

స్టువర్ట్​ బ్రాడ్

తొలి ముగ్గురు ఆటగాళ్లు వీరే

ఇంగ్లాండ్​ ఫాస్ట్​బౌలర్​ అండర్సన్​ 153 మ్యాచుల్లో 26.83 సగటుతో 589 వికెట్లు పడగొట్టాడు. టెస్టు క్రికెట్​ అరంగేట్రం చేసిన 18ఏళ్లకు ఈ ఘనతను అందుకున్నాడీ బౌలర్.

అండర్సన్

ఆస్ట్రేలియా మాజీ క్రికెటర్, స్పీడ్​గన్​​ గ్లెన్​ మెక్​గ్రాత్ ఈ జాబితాలో రెండో స్థానంలో ఉన్నాడు. మొత్తంగా 124 మ్యాచుల్లో 21.64 సగటుతో 563 వికెట్లను తన ఖాతాలో వేసుకున్నాడు. ఈ ఫార్మాట్​లో అరంగేట్రం చేసిన 15ఏళ్లకు ఈ రికార్డు వరించింది.

వెస్టిండీస్​ మాజీ ఆటగాడు కోర్ట్నీ వాల్ష్​.. ఈ ఫార్మాట్లోకి అరంగేట్రం చేసిన 17ఏళ్లకు ఈ ఘనతను అందుకున్నాడు. 132 మ్యాచుల్లో 24.44 సగటుతో 519 వికెట్లు దక్కించుకున్నాడు..

ఇది చూడండి ఐపీఎల్​ నిర్వహణపై ఆగస్టు 2న పూర్తి స్పష్టత