యాషెస్ చివరి టెస్ట్ నెగ్గేందుకు ఉవ్విళ్లూరుతోంది ఇంగ్లాండ్ జట్టు. మూడో రోజు ఆటలో 8 వికెట్ల నష్టానికి 313 పరుగులు చేసింది. ప్రస్తుతం ఆ జట్టు ఆధిక్యం 382 పరుగులు.
డెన్లీ డాషింగ్ ఇన్నింగ్స్...
మూడో రోజు రెండో ఇన్నింగ్స్ను 9/0 వద్ద ఆటను ఆరంభించిన ఇంగ్లాండ్... ఓపెనర్లు బర్న్స్(20), కెప్టెన్ రూట్(21) తక్కువ పరుగులకే పరిమితమయ్యారు. అయితే మరో ఓపెనర్ జో డెన్లీ 94 పరుగులతో(266 బంతుల్లో;14 ఫోర్లు, 1సిక్సర్) రాణించాడు. ఆసీస్ పేసర్ సిడిల్ బౌలింగ్లో చెత్త షాట్కు ప్రయత్నించి స్మిత్కు క్యాచ్ ఇచ్చాడు. ఫలితంగా తృటిలో శతకం చేజార్చుకున్నాడు.
ప్రపంచకప్ హీరో, ఆల్ రౌండర్ బెన్ స్టోక్స్ 67(115 బంతుల్లో; 5 ఫోర్లు, 2 సిక్సర్లు) పరుగులు చేసి ఇంగ్లాండ్కు మరోసారి కీలక భాగస్వామ్యం అందించాడు. వీళ్లిద్దరూ వెనుదిరిగాక బట్లర్(47) ఇన్నింగ్స్ను నడిపించాడు. ఒక దశలో ఇంగ్లాండ్ 6 వికెట్లు కోల్పోయి 305 స్కోరుతో నిలిచింది. అయితే మూడో రోజు చివర్లో రెండు వికెట్లు వెంటవెంటనే పడ్డాయి. ఆట ఆఖరుకు ఆర్చర్ (3), లీచ్(5) క్రీజులో ఉన్నారు.
ఆసీస్ బౌలర్లలో లైయన్ 65 పరుగులిచ్చి 3 వికెట్లు, సిడిల్ 52 పరుగులిచ్చి 2 వికెట్లు సాధించారు. మిచెల్ మార్ష్ కేవలం 4 రన్స్కే 2 వికెట్లు తీశాడు.
ఇంకా రెండు రోజుల ఆట మిగిలుంది. ప్రస్తుతం ఇంగ్లాండ్ చేతిలో 2 వికెట్లు ఉన్నాయి. ఇప్పటికే ఆసిస్ ముందు భారీ స్కోరు ఉంచిన ఇంగ్లీష్ జట్టు...తమ బౌలింగ్లోనూ ప్రతిభ చూపిస్తే ఈ మ్యాచ్ నెగ్గడం కష్టమేమి కాదు. ప్రస్తుతం సిరీస్లో ఆస్ట్రేలియా జట్టు 2-1తో ఆధిక్యంలో ఉంది.
ఇదీ చదవండి...
