ప్రాక్టీస్‌ సెషన్‌లో భాగంగా ప్రస్తుత ఇంగ్లాండ్ కెప్టెన్ బెన్ స్టోక్స్ జెర్సీపై భారత సంతతికి చెందిన వైద్యుడు వికాస్‌ కుమార్‌ పేరు కనిపించింది. స్టోక్స్ జెర్సీపై వికాస్‌ పేరు ఎలా వచ్చిందని అనుకుంటున్నారా? ప్రస్తుతం వికాస్‌ ఇంగ్లాండ్‌లోని డార్లింగ్‌టన్‌లో ఉన్న జాతీయ ఆరోగ్య సేవల (ఎన్‌హెచ్‌ఎస్‌) ట్రస్టు ఆసుపత్రిలో కరోనా రోగులకు చికిత్స అందిస్తున్నాడు.
కొవిడ్‌పై యుద్ధంలో ముందు నిలిచి పోరాడుతున్న వైద్య సిబ్బంది గౌరవార్థం ఆ దేశ టెస్టు క్రికెటర్ల జెర్సీలపై.. వాళ్ల పేర్లు ఉండేలా చూడాలని అక్కడి క్రికెట్ బోర్డు నిర్ణయించింది. ఆ విధంగా వికాస్‌ పేరుతో ఉన్న జెర్సీని స్టోక్స్ ధరించాడు. స్టోక్స్ జెర్సీపై తన పేరు ఉండడం ఎంతో ఆనందాన్ని కలిగిస్తోందని వికాస్‌ చెప్పాడు.