లైంగిక వేధింపుల ఆరోపణలతో క్రికెట్ కోచ్​ సస్పెండ్​

టీమ్​ఇండియా మాజీ ఆటగాడు అతుల్​ బెదాడేపై లైంగిక వేధింపుల ఆరోపణలు వచ్చాయి. ఈ క్రమంలో అతడు నిర్వర్తిస్తున్న కోచ్​ బాధ్యతల నుంచి తప్పిస్తున్నట్లు బరోడా క్రికెట్​ అసోసియేషన్​ ప్రకటించింది.

లైంగిక వేధింపుల ఆరోపణలతో టీమ్​ఇండియా మాజీ బ్యాట్స్​మన్​ అతుల్​ బెదాడే సస్పెండ్​ అయ్యాడు. ప్రస్తుతం అతడు బరోడా మహిళల క్రికెట్​ జట్టు కోచ్​గా వ్యవహరిస్తున్నాడు. గతనెలలో హిమాచల్​ప్రదేశ్​లో జరిగిన టోర్నమెంట్​లో భాగంగా జట్టు సభ్యులను లైంగికంగా వేధించాడని ఆరోపణలు వచ్చాయి. ఈ నేపథ్యంలో అతుల్​ను కోచ్​ పదవి నుంచి తప్పించింది బరోడా క్రికెట్​ ఆసోసియేషన్​​.

అతుల్​ బెడాడే

"అతుల్​పై వచ్చిన లైంగిక వేధింపుల ఆరోపణలపై విచారణ జరిగే వరకు అతడు సస్పెండ్​లో ఉంటాడు. బయటి వ్యక్తితో విచారణ కమిటీని ఏర్పాటు చేస్తాం."- అజిత్​ లేలే, బీసీఏ సెక్రటరీ

టీమ్​ఇండియా తరపున అతుల్​ బెదాడే 13 అంతర్జాతీయ వన్డేలకు ప్రాతినిధ్యం వహించాడు. 22.57 సగటుతో 158 పరుగులు చేశాడు. గతంలో బరోడా పురుషుల క్రికెట్​ జట్టుకు కోచ్​గా వ్యవహరించి.. గతేడాది నుంచి బరోడా మహిళా క్రికెట్​ జట్టుకు కోచ్​గా మారాడు.

సస్పెండ్​ లెటర్​

ఇదీ చూడండి..'సచిన్​ను డకౌట్ చేయడమే నాకు కలిసొచ్చింది'​