టీమిండియాకు అతి పెద్ద సమస్యగా మారిన నాలుగో స్థానంపై ఇప్పటికీ ఓ నిర్ణయానికి రాలేకపోతుంది యాజమాన్యం. రోజుకో పేరు వినిపిస్తున్నా.. స్థిరమైన ఆటగాడి కోసం వేట కొనసాగిస్తున్నారు సెలెక్టర్లు. తాజాగా ఈ విషయంపై హర్భజన్ సింగ్ స్పందిస్తూ ఆ స్థానంలో యువ ఆటగాడు సంజు శాంసన్ను తీసుకోవాలని సూచించాడు.
"నాలుగో స్థానానికి సంజు శాంసన్ను ఎందుకు తీసుకోకూడదు? మంచి టెక్నిక్తో పాటు అద్భుత ప్రదర్శన చేయగలడు. దక్షిణాఫ్రికా ఏతో జరిగిన చివరి వన్డేలో సత్తాచాటాడు".
-హర్భజన్ సింగ్, టీమిండియా ఆటగాడు
ఈరోజు దక్షిణాఫ్రికా-ఏతో జరిగిన అనధికారిక ఐదో వన్డేలో 48 బంతుల్లో 91 పరుగులతో సత్తాచాటాడు సంజు శాంసన్. ఇందులో 7 సిక్సులు, ఆరు ఫోర్లు ఉన్నాయి.
త్వరలో దక్షిణాఫ్రికాతో మూడు టీ20, మూడు టెస్టులు ఆడనుంది టీమిండియా. ఈ సిరీస్తో కొత్త బ్యాటింగ్ కోచ్ విక్రమ్ రాఠోడ్ బాధ్యతలు చేపట్టనున్నాడు. నాలుగో స్థానంపై తనకు ఓ అవగాహన ఉందన్న విక్రమ్.. మనీష్ పాండే, శ్రేయాస్ అయ్యర్లను పరిశీలిస్తామని చెప్పాడు. ఇప్పుడు కొత్తగా సంజు శాంసన్ పేరు వెలుగులోకి వచ్చింది.
ఇవీ చూడండి.. చెలరేగిన శాంసన్.. భారత్-ఏ విజయం
