హేజిల్​వుడ్​ స్థానంలో చెన్నైకి బెహ్రెండార్ఫ్

వ్యక్తిగత కారణాలతో ఐపీఎల్​ నుంచి నిష్క్రమించిన హేజిల్​వుడ్​ స్థానంలో మరో ఆటగాడిని జట్టులోకి తీసుకుంది చెన్నై ఫ్రాంఛైజీ. ఆసీస్ ఫాస్ట్​ బౌలర్​ జేసన్ బెహ్రెండార్ఫ్​తో ఒప్పందం చేసుకుంది.

ఐపీఎల్​కు ముందు చెన్నై సూపర్ కింగ్స్ తమ జట్టులో కీలక మార్పు చేసింది. ఆస్ట్రేలియా ఫాస్ట్​ బౌలర్​ జేసన్ బెహ్రెండార్ఫ్​ను తమ జట్టులోకి తీసుకుంది. వ్యక్తిగత కారణాలతో లీగ్​కు దూరమైన ఆసీస్ స్టార్ పేసర్ జోష్ హేజిల్​వుడ్​ స్థానంలో.. జేసన్​తో ఒప్పందం చేసుకుంది సీఎస్కే. ఈ విషయాన్ని తమ అధికారిక ట్విట్టర్ ఖాతా ద్వారా వెల్లడించింది చెన్నై.

2019లో ముంబయి ఇండియన్స్​కు ప్రాతినిధ్యం వహించిన బెహ్రెండార్ఫ్.. ఆ జట్టు తరఫున ఐదు మ్యాచ్​లు ఆడాడు. కంగారూ టీమ్​లో 11 వన్డేలతో పాటు 7 టీ20లు ఆడాడు.

ఇదీ చదవండి:ఐపీఎల్​లో అత్యధిక క్యాచ్​ల ఆటగాళ్లు వీరే