ఐపీఎల్లో మరో ఆసక్తికర పోరు జరగనుంది. పాయింట్ల పట్టికలో అగ్రస్థానంలో ఉన్న చెన్నైతో ముంబయి ఇండియన్స్ తలపడనుంది. రెండూ ఐపీఎల్లో విజయవంతమైన జట్లుగా పేరుగాంచాయి. మరో ఆసక్తికర విషయమేంటంటే సొంత అన్నదమ్ములిద్దరూ ప్రత్యర్థులుగా బరిలో దిగనున్నారు.
చెన్నై సూపర్ కింగ్స్లో అద్భుత బౌలింగ్ ప్రదర్శనతో ఆకట్టుకుంటున్నాడు దీపక్ చాహర్. పవర్ ప్లే, డెత్ ఓవర్లలో రాణిస్తున్నాడు. ఇప్పటికి 11 మ్యాచ్లాడి 14 వికెట్లు తీశాడు.
ముంబయి ఇండియన్స్ తరఫున బరిలోకి దిగుతున్న మరో బౌలర్ రాహుల్ చాహర్. 7 మ్యాచ్ల్లో 9 వికట్లు తీశాడు. ఎకానమీ 6.6తో మంచి ప్రదర్శన కనబరుస్తున్నాడు.
వీరిద్దరూ అన్నదమ్ములు కావడం విశేషం. మరి ప్రత్యర్థులుగా ఎలా రాణిస్తారో చూడాలి.
ముంబయి జట్టులో ఇప్పటికే హార్దిక్ పాండ్య, కృనాల్ పాండ్య మంచి గుర్తింపు సాధించారు. ఐపీఎల్లో మంచి ప్రదర్శన చేసి వీరిద్దరు కూడా భారత్ తరఫున ఆడాలని అనుకుంటున్నారు.
ఇవీ చూడండి.. 'ఆసియన్ బాక్సింగ్ ఛాంప్'లో భారత్కు పసిడి
