నీటిపై బౌన్స్​ అయింది.. బ్యాట్స్​మన్ దిమ్మతిరిగింది​

మైదానంపై బంతి బౌన్స్​ అవ్వడం చూశాం.. కానీ, నీటిపై కూడా వేగంగా బౌన్స్​ అవుతుందని ఈ వీడియో ద్వారా తెలుస్తోంది. అలా బౌన్స్​యి బ్యాట్స్​మన్​ ముఖం వాచేలా చేసింది. ఈ వీడియోను చూసిన ప్రతి ఒక్కరు నవ్వులు చిందిస్తున్నారు. ఇంక ఎందుకు ఆలస్యం ఆ వీడియో ఏంటో మీరూ చూసేయండి.

సామాజిక మాధ్యమాల్లో ఓ వీడియో వైరల్​ అవుతోంది. అందులో ఇద్దరు పురుషులు స్విమ్మింగ్​ పూల్​ మీదుగా ఒకరికొకరు ఎదురెదురుగా నిలబడి క్రికెట్ ఆడుతున్నారు. బౌలర్​ బంతిని స్విమ్మింగ్ పూల్​​లో స్టెప్పు వేయగా.. అది అనుకోని రీతిలో బౌన్స్​ అయ్యింది. అదే వేగంతో వచ్చి బ్యాట్స్​మన్​ ముఖాన్ని తాకింది. బ్యాట్స్​మన్ బంతి నుంచి తప్పించుకుందాం అని చూసినా.. అది కుదరలేదు. దాంతో బౌలర్​ నవ్వు ఆపుకోలేక పోయాడు. ప్రస్తుతం సోషల్​ మీడియాలో విపరీతంగా చక్కర్లు కొడుతోందీ వీడియో. దీనిపై నెటిజన్లు ఆసక్తికర కామెంట్లు పెడుతున్నారు.

కరోనా మహమ్మారి కారణంగా ప్రపంచవ్యాప్తంగా క్రికెట్ టోర్నీలు నిలిచిపోయాయి. మార్చి 29 నుంచి జరగాల్సిన ఐపీఎల్ లాక్​డౌన్​ కారణంగా నిరవధికంగా వాయిదా పడింది. ఈ ఏడాది సెప్టెంబరు-అక్టోబరు మధ్య టోర్నీ నిర్వహించాలని బీసీసీఐ సన్నాహాలు చేస్తోంది.

ఇదీ చూడండి...'రోహిత్​కు టీ20 పగ్గాలు అప్పగించండి'