ఆస్ట్రేలియా- పాకిస్థాన్ మధ్య జరిగిన తొలి టీ20 వర్షం కారణంగా రద్దయింది. అయితే ఇన్నింగ్స్ల మధ్య 20 నిమిషాల పాటు విరామం ఉండటంపై అసహనం వ్యక్తం చేశాడు ఆస్ట్రేలియా సారథి ఆరోన్ ఫించ్.
20 నిమిషాల పాటు విరామం ప్రకటించక ముందే మ్యాచ్ను 15 ఓవర్లకు కుదించారు రిఫరీలు. తొలి ఇన్నింగ్స్ ముగిసిన 20 నిమిషాలకు బ్యాటింగ్కు దిగింది ఆసీస్.
"ఓవర్లలో కోత విధించి.. 20 నిమిషాల పాటు విరామం ఇచ్చారు. ఇదేమీ నాకు సరైనదిగా అనిపించడం లేదు. నిబంధనలు అలా ఉంటే మనం ఏమీ చెయ్యలేం."
-- ఆరోన్ ఫించ్, ఆస్ట్రేలియా సారథి
విరామ సమయం తగ్గించే అవకాశం మ్యాచ్ రిఫరీ జవగల్ శ్రీనాథ్కు ఉంది. అయినా ఆ నిర్ణయం తీసుకోలేదు. మొదటి ఇన్నింగ్స్ ముగించక ముందు సుదీర్ఘ విరామం ఏర్పడితే.. విరామ సమయం 20 నిమిషాల నుంచి 10 నిమిషాలకు కుదించే అధికారం రిఫరీకి ఉంటుంది.
వర్షం వల్ల ఆట ఆగిపోవడం పాకిస్థాన్కు కలిసొచ్చింది. మ్యాచ్ను రద్దు చేసే ముందు ఆసీస్ బ్యాట్స్మెన్లు విజృంభించి ఆడారు. మ్యాచ్ ఫలితం తేలాలంటే కనీసం 5 ఓవర్ల ఆట ఆడి.. 39 పరుగులు చేయాల్సి ఉంది. అప్పటికే మూడు ఓవర్లు ఆడేసిన ఆసీస్ జట్టు.. 41 పరుగులు చేసింది. విరామాన్ని 10 నిమిషాలకు కుదించి ఉంటే.. ఆసీస్ గెలిచేదే.
ఇదీ చదవండి: తొలి టీ20లో భారత్పై బంగ్లా విజయం
