వియత్నాం ఓపెన్ విజేతగా నిలిచి చరిత్ర సృష్టించాడు భారత యువ షట్లర్ సౌరభ్ వర్మ. పురుషుల సింగిల్స్ సూపర్ 100 విభాగంలో పోటీపడిన ఈ ఆటగాడు... ఆదివారం జరిగిన ఫైనల్లో సన్ ఫె జియాంగ్(చైనా)ను ఓడించాడు. హోరాహోరీగా సాగిన మ్యాచ్లో 21-12, 17-21, 21-14 తేడాతో గెలిచాడు సౌరభ్.
వియత్నాం ఓపెన్ విజేతగా సౌరభ్ వర్మ
భారత యువ షట్లర్ సౌరభ్ వర్మ సంచలనం సృష్టించాడు. వియత్నాం ఓపెన్ టైటిల్ గెలిచాడు. ఆదివారం జరిగిన పురుషుల సింగిల్స్ ఫైనల్లో సన్ ఫె జియాంగ్(చైనా)ను ఓడించాడు.
వియత్నాం ఓపెన్ విజేతగా సౌరభ్ వర్మ
నువ్వా నేనా అన్నట్లు సాగిన మ్యాచ్లో తొలి రెండు సెట్లను చెరొకరు గెలుచుకోగా.. కచ్చితంగా నెగ్గాల్సిన మూడో సెట్లో తిరుగులేని స్మాష్లతో ప్రత్యర్థిని వణికించాడు సౌరభ్. చివరికి 7 పాయింట్ల ఆధిక్యంతో సెట్ కైవసం చేసుకుని టోర్నీ విజేతగా నిలిచాడు.
శనివారం జరిగిన సెమీస్లో మినోరు కొగా(జపాన్)ను ఓడించాడు. ఈ మ్యాచ్ను 22-20, 21-15 వరుస సెట్లలో గెలిచాడు సౌరభ్. ఈ మ్యాచ్ 51 నిమిషాల పాటు సాగింది. ప్రస్తుతం ప్రపంచ బ్యాడ్మింటన్ ర్యాంకింగ్స్లో 38వ స్థానంలో కొనసాగుతున్నాడు సౌరభ్.
Last Updated : Sep 30, 2019, 5:12 PM IST