బ్యాడ్మింటన్ ప్లేయర్​ సిక్కిరెడ్డికి కరోనా పాజిటివ్

ప్రముఖ బ్యాడ్మింటన్​ క్రీడాకారిణి ఎన్​.సిక్కిరెడ్డికి వైద్య పరీక్షల్లో కరోనా పాజిటివ్​గా నిర్ధరణ అయ్యింది. ఆమెతో పాటు ఫిజియో కిరణ్​ వైరస్​ బారిన పడ్డారు. ఫలితంగా శానిటైజేషన్​ కోసం పుల్లెల గోపీచంద్​ అకాడమీని తాత్కాలికంగా మూసివేశారు.

భార‌త బ్యాడ్మింట‌న్ డ‌బుల్స్ క్రీడాకారిణి ఎన్‌.సిక్కిరెడ్డికి క‌రోనా సోకింది. ఆమెతో పాటు ఫిజియో సి.కిర‌ణ్​కు గురువారం వచ్చిన వైద్య పరీక్షల ఫలితాల్లో పాజిటివ్​గా తేలింది. కొవిడ్‌-19 కార‌ణంగా దాదాపు మూడున్న‌ర నెల‌ల విరామం తర్వాత ఆగస్టు 7న జాతీయ బ్యాడ్మింటన్​ చీఫ్​ పుల్లెల గోపీచంద్​ ఆధ్వర్యంలో జాతీయ శిక్షణ శిబిరం ప్రారంభమైంది. ఇందులో సిక్కి సహా పలువురు స్టార్​ బ్యాడ్మింటన్​ ప్లేయర్లు సాధన ఆరంభించారు.

పీవీ సింధు స‌హా మొత్తం 18 మందికి భారత క్రీడాప్రాధికార సంస్థ(శాయ్​) మంగ‌ళ‌వారం క‌రోనా ప‌రీక్ష‌లు నిర్వ‌హించింది. ఇందులో ఈ ఇద్ద‌రికీ పాజిటివ్‌గా నిర్ధర‌ణ అయ్యింది. ఫలితంగా శుక్రవారం నుంచి ఆటగాళ్ల ట్రైనింగ్​కు తాత్కాలికంగా బ్రేక్​ పడింది.