బ్రిటన్ రాణి ఎలిజిబెత్ వ్యక్తిగత జీవిత విశేషాలు తెలుసుకోవాలన్న ఆసక్తి అందరికీ ఉంటుంది. ఈ విషయాన్ని సొమ్ము చేసుకునేందుకు నెట్ఫ్లిక్స్ సంస్థ ఆమె జీవిత కథ ఆధారంగా "ద క్రౌన్" అనే వెబ్ సిరీస్ రూపొందించింది. క్వీన్ ఎలిజిబెత్కు సంబంధించిన పలు ఆసక్తికర అంశాలు చిత్రీకరించింది. ఇందులో ఎలిజిబెత్ పాత్రలో బ్రిటన్కు చెందిన 2019 ఆస్కార్ అవార్డు విజేత ఒలీవియా కోల్మన్ నటించారు.
ఇక్కడి వరకు బాగానే ఉన్నా.. ఇందులోని ఓ ఎపిసోడ్ చర్చనీయాంశమైంది. ఎలిజిబెత్ ఒకానొక సమయంలో తన గుర్రపు స్వారీ మేనేజర్ (పోర్చీ)తో ప్రేమ వ్యవహారం నడిపించారనే అంశం ప్రస్తుతం దుమారం రేపుతోంది. వెబ్ సిరీస్పై పలువురు విమర్శలు గుప్పిస్తున్నారు. ఈ వివాదాస్పద సిరీస్లోని ప్రేమ వ్యవహారం ఎపిసోడ్ వచ్చే ఆదివారం విడుదల కానుంది.
వివాదాస్పద ఎపిసోడ్పై 'సండే టైమ్స్' కథనం ప్రచురించింది. అమెరికా, ఆస్ట్రేలియాలో సుమారు నెల రోజుల పాటు ఆమె గుర్రపు స్వారీ మేనేజర్ పోర్చీతో గడిపారని ఎపిసోడ్లో ఉన్నట్లు పేర్కొంది. పోర్చీ 2001లో మరణించే వరకు ఆయనతో ఎలిజిబెత్ సన్నిహితంగా ఉన్నట్లు వివరించింది. కానీ వారి బంధానికి బలపరిచే ఆధారాలేవీ లేవని తెలిపింది.