నెల రోజుల వ్యవధిలో అభిమానులకు రెండు ఆనందాలు పంచబోతున్నాడు టాలీవుడ్ సూపర్స్టార్ మహేశ్బాబు. సింగపూర్ 'మేడమ్ టుస్సాడ్స్ మ్యూజియం'లో మార్చి 25న మహేశ్ విగ్రహం ఆవిష్కరించనున్నారు. ఏప్రిల్ 25న 'మహర్షి' చిత్రం విడుదల కానుంది.
గతేడాది మేడమ్ టుస్సాడ్స్ బృందం సింగపూర్ నుంచి వచ్చి మైనపు బొమ్మ కోసం మహేశ్ కొలతలను తీసుకుంది. మార్చి 25న విగ్రహం ఆవిష్కరించనున్నట్లు ప్రకటించింది.
ప్రస్తుతం మహేశ్ మహర్షి చిత్రంలో నటిస్తున్నారు. ఈ సినిమా వేసవి కానుకగా ఏప్రిల్ 25న ప్రేక్షకుల ముందుకు రానుంది. ఇప్పటికే రెండు పాటల మినహా చిత్రీకరణ పూర్తయింది. గతంలో మహేశ్ నటించిన 'పోకిరి', 'భరత్ అనే నేను' చిత్రాలూ ఏప్రిల్లోనే విడుదలై మంచి విజయాన్ని అందుకున్నాయి.
మహర్షిలో పూజా హెగ్దే, సోనల్ చౌహాన్ కథానాయికలుగా నటిస్తున్నారు. అల్లరినరేశ్ కీలకపాత్రలో కనిపించనున్నాడు. వంశీ పైడిపల్లి దర్శకత్వం వహిస్తోన్న ఈ చిత్రాన్నిదిల్ రాజు, అశ్వినీదత్, ప్రసాద్ వి. పోట్లూరి నిర్మిస్తున్నారు. దేవిశ్రీ ప్రసాత్ సంగీతం అందిస్తున్నారు.