ఆసక్తిరేకెత్తిస్తున్న 'బ్రీత్' వెబ్సిరీస్ సీజన్2 ట్రైలర్ విడుదలైంది. కిడ్నాప్ అయిన కుమార్తెను విడిపించేందుకు, హత్యలు చేసే తండ్రిగా బాలీవుడ్ ప్రముఖ నటుడు అభిషేక్ బచ్చన్ కనిపించనున్నారు. అతడి భార్యగా నిత్యామేనన్ నటించింది. వీరిద్దరూ ఈ సిరీస్తోనే డిజిటల్ అరంగేట్రం చేస్తుండటం విశేషం. జులై 10 నుంచి అమెజాన్ ప్రైమ్ వీడియోలో ఇది స్ట్రీమింగ్ కానుంది.
కథేంటి?
అవినాష్, అభా సబర్వాల్లు(అభిషేక్ బచ్చన్, నిత్యామేనన్) తప్పిపోయిన తమ కూతురు సియా కోసం వెతుకుతుంటారు. అయితే కిడ్నాపర్ డబ్బులేం అడగకుండా, కొందరిని హత్య చేయాలని అవినాష్కు చెబుతాడు. ఈ క్రమంలో కథ ఎన్ని మలుపులు తిరిగింది అనేదే 'బ్రీత్ 2'.
తొలి సీజన్లో నటించిన అమిత్ సాద్.. ఇందులోనూ పోలీస్గా కనిపించనున్నారు. అభిషేక్ బచ్చన్ సైకియాట్రిస్ట్ పాత్ర పోషించారు. వీరితో పాటే సయామీ ఖేర్, ప్లాబితా బోర్తాకుర్, హృషికేష్ జోషి ఇతర పాత్రల్లో కనువిందు చేయనున్నారు. మయాంక్ శర్మ.. ఈ సీజన్కు దర్శకత్వం వహించారు.
ఇవీ చదవండి: