బాలీవుడ్ యువహీరో సుశాంత్ సింగ్ రాజ్పుత్ చివరి సినిమా చూడటం తనకు అంత సులభం కాదని నటి జాక్వెలిన్ ఫెర్నాండెజ్ చెప్పింది. అయితే ఈ చిత్రంలో అతడి నటన అద్భుతంగా ఉంటుందని, అది తనకు శాంతిని ఇస్తుందని తెలిపింది. వీరిద్దరూ 'డ్రైవ్'లో కలిసి నటించారు. సుశాంత్ నటించిన చివరి చిత్రం 'దిల్ బెచెరా' ప్రమోషన్లో భాగంగా ఈ విషయాల్ని పంచుకుందీ ముద్దుగుమ్మ.
"సుశాంత్ అకస్మాత్తుగా వెళ్లిపోవడం అందరికీ లోటే. ప్రజల కోసం ఎప్పుడూ ఉండాలని నాకు చెప్పేవాడు. గందరగోళం, ఒత్తిడికి గురైన సమయంలో నాకు సాయం చేసేందుకు అసలు వెనుకాడేవాడు కాదు. అయితే సుశాంత్ 'దిల్బెచారా' చూడటం నాకు అంత సులభం కాకపోవచ్చు" -జాక్వెలిన్ ఫెర్నాండెజ్, బాలీవుడ్ నటి