బాలీవుడ్ నటి జాన్వీ కపూర్.. టాలీవుడ్ ఎంట్రీ కోసం పలువురు దర్శకనిర్మాతలతో చర్చలు జరుపుతున్నట్లు గతంలో ఆమె తండ్రి, ప్రముఖ నిర్మాత బోణీ కపూర్ అన్నారు. ఈ క్రమంలోనే త్రివిక్రమ్-సూపర్స్టార్ మహేశ్బాబు కాంబోలో రాబోయే కొత్త సినిమాతో ఆమెను తెలుగు తెరకు పరిచయం చేయాలని ఆయన ప్రయత్నాలు చేస్తున్నారని తెలిసింది. ప్రస్తుతం ఈ విషయమై చర్చలు జరుగుతున్నాయని చిత్రసీమలో జోరుగా ప్రచారం జరుగుతోంది. నెట్టింట్లోనూ ఇదే హాట్ టాపిక్ అయింది. ఒకవేళ ఇదే నిజమైతే జాన్వీ ఎంట్రీ గ్రాండ్గా ఉండొచ్చు.
మహేశ్-త్రివిక్రమ్ కాంబినేషన్లో ఓ సినిమా తెరకెక్కనున్నట్లు ఇటీవల అధికారికంగా ప్రకటన వచ్చింది. ప్రస్తుతం ఈ చిత్ర ప్రీ ప్రొడక్షన్ పనులు జరుగుతున్నాయి. ఇందులో మహేశ్ 'రా' ఏజెంట్గా కనిపించనున్నారని సమాచారం. హీరోయిన్గా నిధి అగర్వాల్ను తీసుకోవాలని చిత్రబృందం యోచిస్తోందని అంతకుముందు ప్రచారం సాగింది. మరోవైపు ఈ సినిమాకు 'పార్థు' అనే టైటిల్ను చిత్రబృందం పరిశీలిస్తున్నట్లు తెలుస్తోంది. 'పార్థు' అనగానే గుర్తొచ్చేది త్రివిక్రమ్ దర్శకత్వంలో తెరకెక్కిన 'అతడు' చిత్రంలో మహేశ్ పాత్ర పేరు. ఇప్పుడిదే పేరును కొత్త చిత్ర టైటిల్గా పెట్టాలని త్రివిక్రమ్ భావిస్తున్నారట.