నటుడు.. దర్శకుడు.. ఇప్పుడు ప్రతినాయకుడు

సినీ కెరీర్ ప్రారంభించిన మూడో సినిమాలోనే విలన్​గా నటించేందుకు సిద్ధమయ్యాడు విశ్వక్​సేన్. అతడు హీరోగా కనిపించనున్న 'ఫలక్​నుమాదాస్' త్వరలో విడుదల కానుంది. కొత్త సినిమా 'కార్టూన్​'లో ప్రతినాయకుడిగా కనిపించనున్నాడు.

నటుడిగా తొలి ప్రయత్నంలోనే అందరి దృష్టినీ ఆకర్షించాడు.. రెండో ప్రయత్నంలో దర్శకుడి అవతారమెత్తాడు.. ఇక ఇప్పుడు ప్రతినాయకుడిగా సందడి చేసేందుకు సిద్ధమవుతున్నాడు. యువ నటుడు, దర్శకుడు విశ్వక్‌ సేన్‌ తన సినీ కెరీర్‌ను ఎంత వైవిధ్యభరితంగా ముందుకు తీసుకెళ్తున్నాడో చెప్పేందుకు ఈ ఉదాహరణలు చాలు.

‘ఈ నగరానికి ఏమైంది’ చిత్రంతో తెలుగు తెరపై నటుడిగా మెరిసిన విశ్వక్‌.. ప్రస్తుతం ‘ఫలక్‌నుమా దాస్‌’ అనే చిత్రంతో దర్శకుడిగానూ సత్తా చాటేందుకు సిద్ధమయ్యాడు. మే 31న ఇది థియేటర్లలోకి రాబోతుంది. ఈ యువ నటుడు ఇటీవలే ‘కార్టూన్‌’ అనే చిత్రంలో నటించేందుకు ఒప్పుకున్నాడు. నూతన దర్శకుడు ప్రదీప్‌ పులివర్తి దర్శకత్వం వహిస్తున్నాడు. ఇందులో విశ్వక్‌ పవర్‌ఫుల్‌ ప్రతినాయకుడిగా కనిపించబోతున్నట్లు సమాచారం.