బాలీవుడ్ స్టార్స్ విక్కీ కౌశల్-కత్రినా కైఫ్.. త్వరలో పెళ్లి చేసుకోనున్నారు. డిసెంబరు 9న రాజస్థాన్లోని సిక్స్సెన్సెస్ ఫోర్ట్లో ఈ వేడుక జరగనుంది. అయితే చాలామంది బాలీవుడ్ సెలబ్రిటీలు, క్రికెటర్లకు ఈ కార్యక్రమానికి రావాలని ఆహ్వానం అందింది. అలానే కొందరికి కావాలనే ఇన్విటేషన్ పంపలేదట. వారిలో విక్కీ-కత్రినా మాజీ లవర్స్ ఉన్నట్లు తెలుస్తోంది.
స్టార్ హీరోలు సల్మాన్ఖాన్, రణ్బీర్ కపూర్లకు పెళ్లి ఆహ్వానం పంపలేదట. అలానే విక్కీ కౌశల్ మాజీ ప్రేయసి హర్లీన్ సేతిని వివాహానికి పిలవలేదు! విక్కీ-హర్లీన్.. గతంలో దాదాపు రెండేళ్లపాటు డేటింగ్ చేశారు. పలు కారణాల వల్ల ఆ తర్వాత వీరిద్దరూ విడిపోయారు.