యంగ్టైగర్ ఎన్టీఆర్ కథానాయకుడిగా త్రివిక్రమ్ దర్శకత్వంలో ఓ సినిమా తెరకెక్కబోతుంది. ఎన్టీఆర్ 30వ సినిమాగా రూపొందుతున్న దీని గురించి ఇప్పటికే ప్రకటన చేశారు. ఈ నేపథ్యంలో తాజాగా చిత్రం గురించి అప్డేట్ ఇవ్వాలంటూ ఫ్యాన్స్‌ నుంచి సందేశాలు వెల్లు వెత్తుతుండటం వల్ల చిత్ర నిర్మాతల్లో ఒకరైన నాగ వంశీ స్పందించారు. ఈ మేరకు ఆయన ట్వీట్‌ చేశారు.
"ఎన్టీఆర్ కొత్త సినిమాకు సంబంధించి అప్డేట్ ఇవ్వాలని ఫ్యాన్స్‌ నుంచి సందేశాలు వస్తున్నాయి. షూటింగ్‌ మొదలు పెట్టిన వెంటనే అందుకు సంబంధించిన వివరాలు వెల్లడిస్తాం. టైటిల్‌ను ప్రకటించడం కూడా మాకు కాస్త సెంటిమెంట్‌. అందుకే చెప్పలేకపోతున్నాం. ఈసారి మాపై నమ్మకం ఉంచండి. ఒక పెద్ద విశేషాన్ని మీ ముందుకు తీసుకొచ్చేందుకు ప్రయత్నిస్తున్నాం."