భారత బ్యాడ్మింటన్ బంగారం పూసర్ల వెంకట సింధు.. టోక్యో ఒలింపిక్స్లో కాంస్యం సాధించడం పట్ల హర్షం వ్యక్తం చేశారు టాలీవుడ్ అగ్రహీరోలు. ఆమెపై ప్రశంసల జల్లు కురిపించారు మెగాస్టార్ చిరంజీవి, అక్కినేని నాగార్జున, సూపర్స్టార్ మహేశ్ బాబు.
సింధు, వెయిట్ లిఫ్టింగ్లో రజతం సాధించిన మీరాబాయి చానులకు కలిపి అభినందనలు తెలిపారు మెగాస్టార్ చిరంజీవి.
"పతకం సాధించిన సింధుకు అభినందనలు. వరుసగా రెండు ఒలింపిక్స్ పతకాలు సాధించిన తొలి భారత మహిళగా చరిత్ర సృష్టించడం గర్వకారణం. టోక్యోలో.. ఇప్పటివరకు గెలిచిన రెండు పతకాలు అమ్మాయిలే సాధించడం ఆనందదాయకం. నారీశక్తికి ఎదురులేదు. మీరు దేశాన్ని గర్వించేలా చేశారు, " అని మీరాబాయిని, సింధును ట్యాగ్ చేశారు చిరు.
ప్రియమైన సింధు.. నువ్వు మళ్లీ సాధించావు. నిన్ను చూసి ఎంతో గర్విస్తున్నాం.