"నా దారి.. రహదారి".. రజనీకాంత్ స్టైలిష్‌గా ఈ డైలాగ్‌ చెప్తుంటే థియేటర్‌ మొత్తం అభిమానుల ఈలలతో మోత మోగాల్సిందే. ఇది కేవలం ఓ డైలాగ్‌ మాత్రమే కాదు.. వాస్తవంగా కూడా రజనీ బాక్సాఫీస్‌ బరిలోకి దిగుతున్నాడంటే ఎంతటి పెద్ద హీరో అయినా గౌరవంగా పక్కకు తప్పుకోవాల్సిందే. సూపర్‌స్టార్‌కు ప్రేక్షకుల్లో ఉన్న క్రేజ్‌ అలాంటిది మరి.
అయితే రజనీ తాజాగా ఓ హాలీవుడ్‌ చిత్రం గురించి బాక్సాఫీస్‌ రేసు నుంచి పక్కకు జరిగారు. అదేంటి ఇప్పుడు ఆయన నుంచి విడుదల కాబోతున్న చిత్రాలేమీ లేవు కదా? అని ఆలోచించకండి. రజనీ - శంకర్‌ల కలయికలో వచ్చిన క్రేజీ మూవీ 'రోబో 2.ఓ' త్వరలోనే చైనాలో విడుదల కాబోతుంది. వాస్తవానికి ఈ సినిమాను జులై 12న డ్రాగన్‌ దేశంలో విడుదల చేయడానికి సన్నాహలు చేశారు.