టీజర్: ఒక కేసు ఇస్తే రెండో కేసు ఫ్రీ..!

'తెనాలి రామకృష్ణ బి.ఎ బి.ఎల్' టీజర్​ విడుదలైంది. సందీప్ కిషన్, హన్సిక ప్రధాన పాత్రల్లో నటించారు.

సందీప్ కిషన్, హన్సిక ప్రధాన పాత్రల్లో వస్తోన్న చిత్రం 'తెనాలి రామకృష్ణ బి.ఎ బి.ఎల్.' జి. నాగేశ్వర్​ రెడ్డి దర్శకత్వం వహిస్తున్నాడు. వరలక్ష్మి శరత్​ కుమార్ కీలక పాత్రలో కనిపించనుంది. తెలుగు, తమిళ భాషల్లో తెరకెక్కుతోన్న ఈ సినిమా టీజర్ విడుదలైంది.

ఆద్యంతం కామెడీగా సాగిపోతూ నవ్విస్తోందీ టీజర్. కేసులు రాక సతమవుతోన్న లాయర్​ పాత్రలో సందీప్ కిషన్​ ఆకట్టుకుంటున్నాడు.

శ్రీ నీల‌కంఠేశ్వ‌ర స్వామి క్రియేష‌న్స్ బ్యాన‌ర్‌పై తెరకెక్కుతోన్న ఈ చిత్రం శరవేగంగా చిత్రీకరణ జరుపుకొంటోంది. సాయికార్తీక్ సంగీతం, సాయిశ్రీరాం సినిమాటోగ్ర‌ఫీ అందిస్తున్నారు.

ఇవీ చూడండి.. ట్రైలర్: భయపెడుతోన్న 'రాజుగారి గది 3'